Ուսումնական տարվա մեկնարկը «Աբովյան» քրեակատարողական հիմնարկում
01/09/2015
Հայաստանի Հանրապետության արդարադատության նախարարության նախաձեռնությամբ, Գիտելիքի, գրի և դպրության օրվա կապակցությամբ, ՀՀ ԱՆ «Իրավախախտում կատարած անձանց վերականգնողական կենտրոն» ՊՈԱԿ-ն այցելել է «Աբովյան» ՔԿՀ, շնորհավորել հիմնարկում պահվող 8 անչափահասներին:
Կենտրոնի տնօրեն Գայանե Հովակիմյանը շնորհավորել է նրանց սեպտեմբերի 1-ի կապակցությամբ՝ կարևորելով գիտելիքի և կրթության դերը նոր ճանապարհների ու հնարավորությունների բացահայտման գործում։
ՊՈԱԿ-ի տնօրենը հավելել է նաև, որ Արդարադատության նախարարության գլխավորությամբ, կենտրոնը պատրաստ է աջակցելու անչափահասներին իրենց կրթության, սոցիալ կենցաղային և զբաղվածության հետ կապված խնդիրների լուծման հարցերում՝ ինչպես պատժի կրման ընթացքում, այնպես էլ հասարակություն վերադառնալիս:
Այնուհետև, կենտրոնի աշխատակիցները մասնակցել են հիմնարկում պահվող կանանց և անչափահասների ստեղծագործական աշխատանքների ցուցահանդեսին: Ցուցասրահում ներկայացված են եղել անչափահասների և կին դատապարտյալների նկարչական և խեցեգործական աշխատանքները։
Այցելության ավարտին անչափահասներին տրամադրվել են գրենական պիտույքներով փաթեթներ, շախմատ և այլ անհրաժեշտ պարագաներ:
