Դեպի վեր

Անպատասխանատու հայտարարության վերաբերյալ. Դատաիրավական բարեփոխումների ռազմավարության նախագիծը մշակվել է Արդարադատության նախարարությունում

25/09/2019

Դատաիրավական բարեփոխումների ռազմավարության և Գործողությունների ծրագրի նախագիծը բացառապես մշակվել է ՀՀ արդարադատության նախարարությունում՝ աշխատակազմի ինտենսիվ աշխատանքի արդյունքում:

Ռազմավարությունը մշակելիս հաշվի են առնվել՝

  • Կառավարության 2019-2023թթ. գործունեության միջոցառումների ծրագիրը,
  • Հայաստանի Հանրապետության հակակոռուպցիոն ռազմավարությունը և դրա իրականացման 2013-2022 թվականների գործողությունների ծրագիրը,
  • միջազգային տարբեր կազմակերպությունների կողմից ՀՀ արդարադատության ոլորտի գնահատման զեկույցները (Եվրոպական Միության Արդարադատության մոնիթորինգի ծրագիր, ԹԱՅԵՔՍ գործիքի շրջանակում արդարադատության ոլորտի գնահատման ծրագիր, Եվրոպայի Խորհրդի՝ Դատարաններից օգտվողների բավարարվածության հարցումներ և այլն),
  • ՀՀ դատական դեպարտամենտից ստացված վիճակագրական տվյալները, դատավորներից, փաստաբաններից և քաղաքացիական հասարակության ներկայացուցիչներից ստացված՝ ոլորտի խնդիրների և դրանց լուծումների վերաբերյալ առաջարկությունները, ինչպես նաև այլ վերաբերելի զեկույցներ, ուսումնասիրություններ և այլ նյութեր:

Վկայակոչված փաստաթուղթը որևէ աղերս չունի Ռազմավարության նախագծի հետ: Հետևապես, Արդարադատության նախարարությունն այս հայտարարությունը համարում է հերթական անպտուղ շահարկումներից մեկը:

Հիշեցնենք, որ այսօր հայտարարվել էր, թե Դատաիրավական բարեփոխումների ռազմավարության նախագիծը Հայաստանում չի մշակվել:

Քննարկել
Վերադառնալ նախորդ էջ
Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն