Նորություններ
Արդարադատության նախարարն ընդունել է Հայաստանում Եվրոպական միության պատվիրակության ղեկավարին
Արփինե Հովհաննիսյանը կարևորել է ՀՀ արդարադատության նախարարության և Եվրամիության համագործակցության շրջանակում իրականացված ծրագրերն ու ավելի հավակնոտ ծրագրերի իրականացման հույս հայտնել:
Արդարադատության նախարարն ընդունել է ՀՀ-ում Արգենտինայի Հանրապետության արտակարգ և լիազոր դեսպանին
Ողջունելով հյուրին՝ նախարարը բարձր է գնահատել երկու երկրների միջև առկա քաղաքական, տնտեսական հարաբերությունները և, միևնույն ժամանակ, ընդգծել, որ արդարադատության ոլորտում փոխգործակցությունը խորացնելու մեծ ներուժ կա:
GIZ փորձագետի հետ քննարկվել են տեղեկատվության ազատության ոլորտին առնչվող մի շարք հարցեր
Նախարարի տեղակալը, շնորհակալություն հայտնելով GIZ-ին ՀՀ օրենսդրության բնագավառում ցուցաբերվող շարունակական աջակցության և սերտ համագործակցության համար, նշել է, որ Արդարադատության նախարարության նպատակը ոլորտում ավելի կատարյալ օրենսդրական կարգավորումներ ունենալն է:
Արդարադատության նախարար Արփինե Հովհաննիսյանը ընդունել է ԵԽ գլխավոր քարտուղարի տեղակալին
Հայաստանի Հանրապետության արդարադատության նախարար Արփինե Հովհաննիսյանը մայիսի 20-ին ընդունել է ԵԽ գլխավոր քարտուղարի տեղակալ Գաբրիելլա Բատայինի-Դրագոնին: Ա. Հովհաննիսյանը իր խոսքում նշել է, որ մշտապես դրական գնահատկաններ են հնչեցվել ԵԽ գլխավոր քարտուղարի տեղակալի գործունեության հետ կապված, ինչի համարլ էլ ուրախ է իրենց այդ հանդիպման համար:
Տեղի է ունեցել կոռուպցիայի դեմ պայքարի ինստիտուցիոնալ համակարգի վերաբերյալ ուսումնասիրություն իրականացնող աշխատանքային խմբի նիստը
Մայիսի 20-ին ՀՀ արդարադատության նախարարությունում նախարարի տեղակալ Սուրեն Քրմոյանի մասնակցությամբ տեղի է ունեցել կոռուպցիայի դեմ պայքարի ինստիտուցիոնալ համակարգի վերաբերյալ ուսումնասիրություն իրականացնող խմբի աշխատանքային քննարկումը:
Աշխատանքային քննարկում նվիրված ՝ ‹‹Անձնական տվյալների պաշտպանության մասին›› ՀՀ օրենքի համապատասխանությունը ԵԽ 108 կոնվենցիային
Մայիսի 20-ին տեղի է ունեցել «Անձնական տվյալների պաշտպանության մասին» ՀՀ օրենքի համապատասխանությունը Անձնական տվյալների ավտոմատացված մշակման հետ կապված անհատների պաշտպանության մասին» ԵԽ 108 կոնվենցիային» խորագրով աշխատանքային քննարկում:
Աշխատանքային քննարկում «ՀՀ քաղաքացիական դատավարության օրենսգրքում փոփոխություն կատարելու մասին» ՀՀ օրենքի նախագծի շուրջ
Եվրոպական միության և Եվրոպայի խորհրդի հետ համատեղ իրականացվող «Հայաստանի արդարադատության համակարգի անկախության, պրոֆեսիոնալիզմի և հաշվետվողականության ամրապնդումը» ծրագրի շրջանակներում ՀՀ արդարադատության նախարարի առաջին տեղակալ Արսեն Մկրտչյանի մասնակցությամբ այսօր Երևանում տեղի է ունեցել «ՀՀ քաղաքացիական դատավարության օրենսգրքում փոփոխություն կատարելու մասին» ՀՀ օրենքի նախագծի շուրջ կլոր սեղան-քննարկում։
Վիգեն Քոչարյանը նշանակվել է ԱՊՀ պետությունների իրավական փոխօգնության կատարելագործման հարցերով միջպետական աշխատանքային խմբի ղեկավար
Մայիսի 18-ին Սանկտ-Պետերբուրգում ընթացող միջազգային իրավաբանական ֆորումի շրջանակներում «ԵՏՄ ակտերի դերը ազգային իրավական համակարգում» համաժողովին ելույթով հանդես է եկել ՀՀ արդարադատության նախարարի տեղակալ Վիգեն Քոչարյանը:
ՀՀ արդարադատության նախարար Արփինե Հովհաննիսյանը ընտրվել է ԱՊՀ արդարադատության նախարարների խորհրդի նախագահ
ՀՀ արդարադատության նախարար Արփինե Հովհաննիսյանը երկօրյա այցով գտնվում է Սանկտ-Պետերբուրգում՝ մասնակցելու ԱՊՀ պետությունների արդարադատության նախարարների խորհրդի նիստին, ինչպես նաև սանկտպետերբուրգյան իրավաբանական ֆորումին, որին ներկա է գտնվելու նաև ՌԴ վարչապետ Դմիտրի Մեդվեդևը:
«Անձնական տվյալների պաշտպանությունը և ուղղակի մարքեթինգը» թեմայով աշխատանքային քննարկում
Մասնակիցներին ներկայացվել է նաև ՀՀ ԱՆ անձնական տվյալների պաշտպանության գործակալության կայացրած «Գովազդային նպատակներով անձնական հեռախոսահամարները օգտագործելու վերաբերյալ» խորհրդատվական որոշումը, որն իր տեսակի մեջ առաջին քայլն էր ուղղված տվյալ ոլորտի կարգավորմանը:
Արդարադատության նախարարն ընդունել է Համաշխարհային բանկի Երևանի գրասենյակի տնօրենին
Լորա Բեյլին, շնորհակալություն հայտնելով նախարարին հանդիպման համար, նշել է, որ Արդարադատության նախարարության հետ ունեցած համագործակցության ընթացքում իրականացված համատեղ ծրագրերը շոշափելի արդյունք են գրանցել:
Քննարկում՝ «Ընտրական վեճերի կարգավորում» թեմայով
Արփինե Հովհաննիսյանը նշել է, որ այս քննարկումը հնարավորություն կտա լսելու տարբեր կարծիքներ և առաջարկություններ, որոնք կարող են օգտակար լինել ավելի որակյալ ընտրական օրենսգիրք ունենալու համար: Նախարարը շնորհակալություն է հայտնել մասնակիցներին և ԵԱՀԿ երևանյան գրասենյակին՝ սերտ համագործակցության համար՝ հավելելով, որ այդ փոխգործակցությունը մշտապես եղել է արդյունավետ և փոխշահավետ: