Դեպի վեր

Արդարադատության նախարարն ընդունել է ՄԱԿ-ի բարձրաստիճան պաշտոնատար անձանց պատվիրակությանը

05/05/2016

 Հայաստանի Հանրապետության արդարադատության նախարար Արփինե Հովհաննիսյանն այսօր ընդունել է Հայաստանում ՄԱԿ-ի մշտական համակարգող/ՄԱԶԾ մշտական ներկայացուցիչ Բրեդլի Բուզետտոյի գլխավորած պատվիրակությանը:

 Հանդիպմանը ներկա են եղել նաև արդարադատության նախարարի տեղակալ Վիգեն Քոչարյանը, Եվրոպական հանձնաժողովի և ՄԱԿ-ի Զարգացման ծրագրի ընտրությունների աջակցության միացյալ աշխատախմբի ընտրական աջակցության հարցերով մասնագետ Դան Մալինովիչը, ինչպես նաև ՄԱԿ-ի ներկայացուցիչներ Զորան Տրայկովսկին և Ռոման Շպակը:

 Արդարադատության նախարար Արփինե Հովհաննիսյանը բարձր է գնահատել ՄԱԿ-ի ներկայացուցիչների հետ երկկողմ համագործակցությունը և կարևորել դրա հետագա ընդլայնումն ու խորացումը:

 Հանդիպման ընթացքում կողմերը քննարկել են ՀՀ ընտրական օրենսգրքի նախագծին վերաբերող մի շարք հարցեր, մասնավորապես, անդրադարձել են տեխնիկական սարքավորումների կիրառմանն ու դրանց համար անհրաժեշտ պայմանների ապահովմանը:

Քննարկել
Վերադառնալ նախորդ էջ
Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն