Անչափահասների խնդիրներ, թվային միջավայրում երեխաների պաշտպանության ռիսկեր․ անցկացվել է Անչափահասների արդարադատության խորհրդի նիստը

05/04/2024

Արդարադատության նախարարի տեղակալ Լևոն Բալյանը բացման խոսքով է հանդես եկել Անչափահասների արդարադատության խորհրդի նիստին։ Նիստի ընթացքում քննարկվել են ՄԻՊ կողմից 2023 թվականին անչափահասների՝ արդարադատության ոլորտում վեր հանված խնդիրները, թվային միջավայրում երեխաների պաշտպանության ռիսկերը և հնարավորությունները, ինչպես նաև ներկայացվել են «Երեխաների առցանց անվտանգություն» հետազոտությունը և իրականացված աշխատանքները: Մասնավորապես, ներկայացվել են Ոստիկանության ինֆորմացիոն կենտրոնի անչափահասների հաշվառման հիմնախնդիրները: ՄԻՊ երեխաների իրավունքների պաշտպանության բաժնի պետ Անահիտ Խաչատրյանը ներկայացրել է անչափահասների՝ արդարադատության ոլորտում առկա խնդիրները: Նա նշել է, որ ՄԻՊ կողմից իրականացվող ուսումնասիրությունները և մշտադիտարկումները վկայում են անչափահասների շրջանում հանցավորության կանխարգելման ուղղված գործողությունների անհրաժեշտության մասին: Հանդիպման վերջում քննարկվել են նաև առաջիկա ծրագրերը: