Կայացել է նոտարների թեկնածուների որակավորման ստուգման թեստավորման փուլը
25/03/2022
Այսօր՝ մարտի 25-ին, Արդարադատության նախարարությունը անցկացրել է նոտարների թեկնածուների որակավորման ստուգման առաջին՝ թեստային առաջադրանքների փուլը։
Նախնական հայտ ներկայացրած 50 մասնակցից, թեստավորման փուլին մասնակցել են 49-ը։ Հարյուր հարցից բաղկացած հարցաշարի համար թեկնածուներին տրվել է երկու ժամ ժամանակ։ Սահմանված ժամկետի ավարտից հետո ամփոփվել են քննության արդյունքները, ըստ որի՝ թեստավորման փուլը հաղթահարել են մասնակիցներից 33-ը։Որակավորման ստուգման երկրորդ՝ գործնական խնդիրների լուծման փուլը տեղի կունենա սույն թվականի մարտի 30-ին։
2022թ. նոտարի թեկնածուների որակավորման ստուգման թեստավորման փուլը հաղթահարած դիմորդների ցանկ: