1.Պետական ռեգիստրի կողմից մատուցվող ծառայություններ

2.Իրաբանական անձանց պետական ռեգիստրի գործակալության կողմից տրամադրվող լրացուցիչ ծառայություններ

1. Ի՞նչ հաճախականությամբ են կազմակերպվում նոտարական թարգմանչի որակավորման ստուգումները.

Առնվազն տարեկան մեկ անգամ:

Ստուգման մասին հայտարարությունը հրապարակվում է www.moj.am և www.azdarar.am կայքերում ոչ ուշ, քան ստուգումն անցկացնելուց քսան օր առաջ:

2. Ո՞վ կարող է դիմել նոտարական թարգմանչի որակավորմանը մասնակցելու համար. 

Կարող են դիմել գործունակ անձինք, ովքեր ունեն.

-  բարձրագույն կրթություն

-  օտար լեզվին տիրապետելու մասին վկայական

3. Ե՞րբ, ո՞րտեղ և ի՞նչ փաստաթղթեր են ներկայացվում որակավորմանը մասնակցելու համար.

Հայտարարության մեջ նշված ժամկետում ՀՀ արդարադատության նախարարություն են ներկայացվում.

- դիմում,

- 2 գունավոր լուսանկար՝ 4x6 չափսի,

- անձը հաստատող փաստաթուղթ,

- բարձրագույն կրթության և,

- համապատասխան լեզվին տիրապետելու մասին վկայականների (դիպլոմներ) պատճենները,

- պետական տուրքի վճարման անդորրագիր,

- փորձագիտական աշխատանքի ստուգման դիմաց վճարման անդորրագիր:

4. Ո՞րքան է պետական տուրքի և փորձագիտական աշխատանքի ստուգման դիմաց վճարման ենթակա գումարը.

Պետական տուրքի գումարը 20.000 ՀՀ դրամ է, իսկ փորձագիտական աշխատանքի ստուգման դիմաց վճարման գումարը սահմանվում է  հանձնաժողովի կողմից:

5. Ո՞րն է տեղեկանքի և վկայականի տարբերությունը.

Տեղեկանք՝ տրվում է ՀՀ արդարադատության նախարարության կողմից որակավորման ստուգումը անցնելու դեպքում:

Վկայական՝ տեղեկանքի հիման վրա տրվում է վկայական՝ այն նոտարի կողմից, ով վստահություն է հայտնել թարգմանչին:

Ծանոթություն. Որակավորման ստուգման հետ կապված հարցերը կարգավորված են «Նոտարիատի մասին» Հայաստանի Հանրապետության օրենքով և Հայաստանի Հանրապետության կառավարության 2002 թվականի մարտի 2-ի «Նոտարական գործողություններին մասնակցող թարգմանչին որակավորման վկայական տալու կարգը հաստատելու մասին» N 193 որոշմամբ:

Յուրաքանչյուր ամիս ՀՀ արդարադատության նախարարի մոտ տեղի է ունենում քաղաքացիների ընդունելություն, որի ընթացքում նախարարը քննարկում է քաղաքացիների դիմումները, բողոքները, առաջարկությունները և այլ հարցեր:

Յուրաքանչյուր քաղաքացու հատկացվում է 10 րոպե ժամանակ, որը լրանալուն պես վերջինիս ընդունելությունն ավարտվում է:

Ընդունելությանը հերթագրվելու համար անհրաժեշտ է նախապես խնդրի վերաբերյալ գրավոր դիմում ներկայացնել՝ նշելով խնդիրը և ընդունելության խնդրանքը: ՎԵՐՈՆՇՅԱԼ ԳՐԱՎՈՐ ԸՆԹԱՑԱԿԱՐԳԸ ՊԱՐՏԱԴԻՐ Է ԲՈԼՈՐ ՔԱՂԱՔԱՑԻՆԵՐԻ ՀԱՄԱՐ: Դիմում կարող են ներկայացնել  էլեկտրոնային եղանակով՝  այն ուղարկել ՀՀ արդարադատության նախարարության էլ. փոստի հասցեին՝ info@moj.am կամ այն թղթային տարբերակով ուղարկել ՀՀ արդարադատության նախարարություն (Վազգեն Սարգսյան 3/8):

Եթե գրավոր դիմումում նշված հանգամանքների ուսումնասիրությամբ պարզվում է, որ քաղաքացին ենթակա է ընդունելության ներկայանալու, նա այդ մասին տեղեկացվում է բանավոր՝ ըստ իր տրամադրած կոնտակտային տվյալների, եթե ենթակա չէ ընդունելության ներկայանալու՝ նա այդ մասին տեղեկացվում է գրավոր:

Անձն ընդունելության օրը պետք է ներկայանա անձը հաստատող փաստաթղթով:

Նախարարի կողմից ընթացք են տրվում միայն Արդարադատության նախարարության իրավասությանը վերաբերող խնդիրներով ընդունելություն կատարելու վերաբերյալ դիմում-բողոքներին՝ հիմք ընդունելով ՀՀ Սահմանադրության 6-րդ հոդվածի 1-ին մասի կարգավորումը, այն է՝ պետական և տեղական ինքնակառավարման մարմիններն ու պաշտոնատար անձինք իրավասու են կատարելու միայն այնպիսի գործողություններ, որոնց համար լիազորված են Սահմանադրությամբ կամ օրենքներով:

Նախարարի անունից քաղաքացիների ընդունելությունն իրականացնում են նաև նախարարի տեղակալները:

Նախարարի տեղակալների մոտ ընդունելության եկած անձանց համար կրկնակի ընդունելություն կազմակերպել հնարավոր չէ: Փոխնախարարների մոտ ընդունելության համար ևս գործում է նախարարի մոտ ընդունելության համար սահմանված գրավոր դիմումի վերոշարադրյալ ընթացակարգն առանց բացառությունների: 

ՀՀ արդարադատության նախարարություն աշխատանքի անցնելու համար հարկավոր է մասնակցել քաղաքացիական ծառայության թափուր պաշտոնների համար հայտարարված մրցույթին և ճանաչվել հաղթող: Թափուր պաշտոնների և առաջիկա մրցույթների մասին տեղեկատվություն կարող եք ստանալ Հայաստանի Հանրապետության քաղաքացիական ծառայության խորհրդի կողմից հրապարակվող թափուր հաստիքների վերաբերյալ հրապարակումներից (http://www.csc.am/), Հայաստանի Հանրապետության հրապարակային ծանուցումների պաշտոնական ինտերնետային կայքից (http://www.azdarar.am)/, ինչպես նաև՝ ՀՀ արդարադատության նախարարության պաշտոնական կայքէջից (http://www.moj.am)/:

Մանրամասները՝ http://moj.am/page/information_request : 

ՀՀ արդարադատության նախարարությունը իրականացնում է նոտարների թեկնածուների, նոտարական գործողություններին մաuնակցող թարգմանչի, սնանկության գործով կառավարչի որակավորման uտուգումներ և տալիս համապատասխան որակավորման վկայականներ: Որակավորման ստուգումների վերաբերյալ նախապես հայտարարություն է տարածվում ՀՀ արդարադատության նախարարության պաշտոնական կայքի միջոցով ՝ www.moj.am: Մանրամասները՝ http://moj.am/page/529 :

Ապոստիլով հաստատվում է փաստաթուղթը ստորագրած անձի պաշտոնի, ստորագրության, ինչպես նաև փաստաթղթի վրա դրված կնիքի կամ դրոշմակնիքի իսկությունը: Հայաuտանի Հանրապետության արդարադատության նախարարության կողմից «Օտարերկրյա պաշտոնական փաստաթղթերի օրինականացման պահանջը չեղյալ հայտարարելու մասին» 1961 թվականի Հաագայի կոնվենցիայի հիման վրա:  Ապոստիլ դրվում է միայն այն փաստաթղթերի վրա, որոնք ուղարկվում են վերը նշված կոնվենցիայի անդամ երկրներ:Ապոuտիլ դրվում է հետևյալ պաշտոնական փաստաթղթերի վրա` նոտարի կողմից վավերացված կամ հաuտատված փաuտաթղթերի կամ պատճենների, նոտարի կողմից տրված վկայագրերի, նոտարի կողմից վավերացված թարգմանությունների, քաղաքացիական կացության ակտերի գրանցման մարմինների կողմից տրված՝ ծննդյան, մահվան, ամուսնության վերաբերյալ փաuտաթղթերի, դատական ակտերի հարկադիր կատարումն ապահովող ծառայության կողմից տրված փաuտաթղթերի, դատարանների կողմից տրված փաuտաթղթերի իuկական oրինակների վրա: Նախարարության կողմից ապոuտիլ կարող է դրվել նաև այլ մարմինների կողմից տրված փաuտաթղթերի վրա, եթե դրանց վրա դրված uտորագրության իuկությունը վավերացված է նոտարական կարգով։ 

Ապոuտիլ դնելու համար կարող է դիմել ոչ միայն փաստաթղթի հասցեատերը, այլև լ ցանկացած անձ: Ապոuտիլ դնելու համար անձը նախարարություն է ներկայացնում`՝ դիմում, ապոuտիլով վավերացման ենթակա փաuտաթղթի իuկական oրինակը կամ նոտարական կարգովվավերացված փաuտաթուղթը, ապոuտիլով վավերացման ենթակա փաuտաթղթի լուuապատճենը կամ պատճենը, պետական տուրքի վճարման անդորրագիր` ապոuտիլով վավերացման ենթակա յուրաքանչյուր փաuտաթղթի համար առանձին-առանձին կամ բոլորի համար մեկ միաuնական անդորրագրով: Փաuտաթղթի վրա ապոuտիլը դրվում է դիմումը նախարարություն մուտք լինելու oրվանից հետո՝ հաջորդ աշխատանքային օրը: Քաղաքացիները ապոuտիլ դրված փաuտաթղթերը կարող են uտանալ 2-րդ աշխատանքային oրվա ժամը 16.00-ից 18.00-ն: 

Ապոստիլ դնելու համար գանձվում է պետական տուրք՝ 7000 ՀՀ դրամ: Պետական տուրքը մուծվում է Հայաստանի Հանրապետության պետական բյուջե՝ 900005163523 հաշվի համարով` որևէ բանկում կամ արդարադատության նախարարության շենքում գտնվող տերմինալի միջոցով: 

Հերթերից խուսափելու համար կարող եք օգտվել earlyone համակարգից: 

Մանրամասներ  ՝ http://moj.am/page/apostille :

Տասնվեց տարին լրացած անձն իրավունք ունի սահմանված կարգով փոխելու իր անունը, որը ներառում է անունը, հայրանունը և ազգանունը։ Մինչև 16 տարեկան երեխաների անվան փոխման մասին դիմումը տրվում է նրա ծնողի /ծնողների/ կամ օրինական ներկայացուցիչների կողմից։ 10 տարին լրացած երեխայի անվան փոխման դեպքում անհրաժեշտ է նրա համաձայնությունը։ Անվան փոխման գրանցման համար պետք է ներկայացվեն`
դիմում (դիմումի ձևանմուշը կարող եք ձեռք բերել ՀՀ արդարադատության նախարարության կայքից՝ www.moj.am հասցեով կամ ՔԿԱԳ մարմնից),դիմողի անձը հաստատող փաստաթուղթը, տեղեկանք բնակության մասին, եթե անձնագրում բացակայում է հաշվառման մասին նշումը, ինչպես նաև օրենքով սահմանված կարգով այլ փաստաթղթեր: Անվան փոխման մասին դիմումը ՔԿԱԳ-ի տարածքային մարմնի կողմից քննության է առնվում դիմումը տալու օրվանից երկամսյա ժամկետում։ Հարգելի պատճառների առկայության դեպքում այդ ժամկետը ՔԿԱԳ-ի տարածքային մարմնի ղեկավարը կարող է երկարաձգել առավելագույնը` մեկ ամսով, իսկ Հայաստանի Հանրապետության արդարադատության նախարարության ՔԿԱԳ-ի գործակալության պետը՝ առավելագույնը` 2 ամսով՝ ՔԿԱԳ-ի տարածքային մարմնի ղեկավարի միջնորդագրի հիման վրա։ նվան, հայրանվան, ազգանվան փոխման համար գանձվում է պետական տուրք` 5000 դրամ։ Եթե անձը ցանկանում է սահմանված ժամկետից շուտ ստանալ Հայաստանի Հանրապետության արդարադատության նախարարության անվան, հայրանվան, ազգանվան փոխման վերաբերյալ եզրակացությունը, ապա կառավարության որոշմամբ սահմանված է լրացուցիչ արտաբյուջետային գումար հետևյալ դրույքաչափերով`
երեք աշխատանքային օրվա ընթացքում` 50000 դրամ, 
հինգ աշխատանքային օրվա ընթացքում` 30000 դրամ, 
տասը աշխատանքային օրվա ընթացքում` 20000 դրամ։

Մանրամասները ՝ http://moj.am/services/civil_registry/item/522 :  

Որդեգրում (դստերագրում) (այսուհետ՝ որդեգրումը) թույլատրվում է միայն մինչև 18 տարեկան անձանց նկատմամբ և ելնելով նրանց շահերից՝ հաշվի առնելով երեխաների լիարժեք ֆիզիկական, հոգեկան, հոգևոր և բարոյական զարգացումն ապահովելու հնարավորությունները։ Որդեգրումը հաստատվում է դատարանի կողմից և դատարանի վճիռը օրինական ուժի մեջ մտնելուց հետո որդեգրումը ենթակա է պարտադիր պետական գրանցման ՔԿԱԳ տարածքային մարմնում: Որդեգրողներ կարող են լինել չափահաս անձինք, բացառությամբ օրենքով սահմանված դեպքերի:

Որդեգրման պետական գրանցումն իրականացնելու համար անհրաժեշտ է՝ 
որդեգրողների /որդեգրողի/ կամ նրանց կողմից լիազորված անձի գրավոր դիմումը (դիմումի ձևանմուշը կարող եք ձեռք բերել Հայաստանի Հանրապետության արդարադատության նախարարության կայքից՝ www.moj.am հասցեով կամ ՔԿԱԳ մարմնից), որդեգրման մասին դատարանի` օրինական ուժի մեջ մտած վճիռը, որդեգրողների /որդեգրողի/ անձը հաստատող փաստաթղթերը, որդեգրողների ամուսնության վկայականը, որդեգրվողի ծննդյան վկայականը։ Մանրամասները՝ http://moj.am/services/civil_registry/item/520 :   

Երեխայի ծննդի ակտի գրառման մեջ ամուսնության մեջ գտնվող հայրը և մայրը գրառվում են որպես երեխայի ծնողներ՝ նրանցից որևէ մեկի դիմումի հիման վրա: Երեխայի ծննդի գրանցման համար ներկայացվում է գրավոր հայտարարություն, ծնողների /ծնողներից մեկի/ և դիմողի անձը հաստատող փաստաթուղթ, երեխայի ծննդի ակտի գրառման մեջ հոր մասին տեղեկություններ լրացնելու համար հիմք համարվող փաստաթղթեր (օրինակ՝ ամուսնության վկայական, ամուսնալուծության վկայական, հոր մահվան վկայական), երեխայի ծնունդը հաստատող փաստաթուղթ, մասնավորապես՝ ծննդյան մասին սահմանված ձևի փաստաթուղթ` տրված բժշկական այն կազմակերպության կողմից, որտեղ տեղի է ունեցել ծնունդը: Ծննդի պետական գրանցման, ներառյալ վկայական տալու համար պետական տուրք չի գանձվում։

Մանրամասները՝ http://moj.am/services/civil_registry/item/518:

Եթե ամուսինների միջև առկա է ամուսնալուծվելու վերաբերյալ փոխադարձ համաձայնություն, ապա նրանց ամուսնալուծությունը կատարվում է ՔԿԱԳ մարմնում։
Ամուսնալուծության գրանցման համար ամուսինները ՔԿԱԳ մարմին են ներկայացնում համատեղ դիմում: Եթե ամուսիններից մեկը հնարավորություն չունի անձամբ ներկայանալու ՔԿԱԳ մարմին` ամուսնալուծության մասին համատեղ դիմում տալու համար, ապա ամուսինների կամքի արտահայտությունը կարող է ձևակերպվել ամուսնալուծության մասին առանձին հայտարարություններով: Ամուսնալուծության պետական գրանցման համար ներկայացվում է՝ անձը հաստատող փաստաթուղթ,  ամուսնության վկայական (առկայության դեպքում), ամուսինների համատեղ դիմումը` ՔԿԱԳ մարմնում ամուսինների միջև փոխադարձ համաձայնության առկայությամբ ամուսնալուծություն կատարելու համար,  ամուսիններից մեկի դիմումը, եթե մյուսը դատարանի կողմից ճանաչվել է անհայտ բացակայող կամ անգործունակ կամ դատապարտվել է ազատազրկման երեք տարուց ոչ պակաս ժամկետով, 
ամուսինների դիմումը և դատարանի` օրինական ուժի մեջ մտած վճիռը` դատական կարգով ամուսնալուծություն կատարելու դեպքում։ Ամուսնալուծության գրանցումը և ամուսիններից յուրաքանչյուրին ամուսնալուծության վկայականներ տրամադրելը կատարվում է ՔԿԱԳ մարմնի կողմից ամուսնալուծության մասին ամուսինների դիմում տալու օրվանից առնվազն մեկ ամիս հետո, բայց երեք ամսից ոչ ուշ։ Ամուսնալուծության պետական գրանցման համար, ներառյալ վկայական տալը, գանձվում է պետական տուրք` 10000 ՀՀ դրամ։ Ամուսնալուծության պետական գրանցման ժամանակ մինչամուսնական ազգանունը կրելու ցանկության դեպքում գանձվում է նաև 5000 ՀՀ դրամ պետական տուրք:

Մանրամասները ՝ http://moj.am/services/civil_registry/item/519:

Օտարերկրյա քաղաքացիների, քաղաքացիություն չունեցող անձանց, օտարերկրյա պետությունում մշտապես բնակվող ՀՀ քաղաքացիների միմյանց և ՀՀ քաղաքացիների հետ ՀՀ-ում ամուսնություն գրանցելիս անհրաժեշտ է ներկայացնել անձնագիրը և տվյալ պետության իրավասու մարմինների կամ դեսպանության /հյուպատոսության/ կողմից տրված ընտանեկան կարգավիճակը հաստատող փաստաթուղթ /տեղեկանք, թույլտվություն, հայտարարություն և այլն/` վավերացված ՀՀ արտաքին գործերի նախարարության դիվանագիտական կամ հյուպատոսական մարմիններում` եթե այլ բան նախատեսված չէ ՀՀ միջազգային պայմանագրերով: Օտարերկրյա պետության իրավասու մարմինների կողմից տրված փաստաթուղթը /փաստաթղթերը/ և քաղաքացու կամ քաղաքացիություն չունեցող անձի անձը հաստատող փաստաթուղթը թարգմանվում են հայերեն լեզվով` օրենքով սահմանված կարգով: Ամուսնության պետական գրանցումն իրականացվում է դիմումը ներկայացնելու օրվան հաջորդող 10-րդ օրը:  ՀՀ-ում օտարերկրյա քաղաքացիների, քաղաքացիություն չունեցող անձանց, օտարերկրյա պետությունում մշտապես բնակվող ՀՀ քաղաքացիների միմյանց և ՀՀ քաղաքացիների հետ ամուսնության գրանցման մասին թույլտվությունը սահմանված ժամկետից շուտ ստանալու համար անհրաժեշտ է վճարել կառավարության որոշմամբ սահմանված լրացուցիչ արտաբյուջետային գումար հետևյալ դրույքաչափերով` մեկից-երկու աշխատանքային օրվա ընթացքում. օրը որոշվում է դիմողների ցանկությամբ 150.000 ՀՀ դրամ, երեքից-հինգ աշխատանքային օրվա ընթացքում. օրը որոշվում է դիմողների ցանկությամբ– 120.000 ՀՀ դրամ, յոթերորդ աշխատանքային օրվա ընթացքում  50.000 ՀՀ դրամ:

Մանրամասները՝ http://moj.am/services/civil_registry/item/517: 

Պետական ծառայությունների մատուցման միասնական գրասենյակները մատուցում են՝ Իրավաբանական անձանց պետական ռեգիստրի գործակալության սպասարկման գրասենյակների, ՀՀ կառավարության կողմից լիազորված անշարժ գույքի պետական միասնական կադաստր վարող պետական կառավարման հանրապետական մարմնի սպասարկման գրասենյակների, ՔԿԱԳ-ի, ՀՀ արտաքին գործերի նախարարության, ՀՀ կառավարությանն առընթեր ՀՀ ոստիկանության, ինչպես նաև Միգրացիոն պետական ծառայության կողմից մատուցվող ծառայություններ: Գրասենյակների կողմից մատուցվող ծառայությունների և հասցեների վերաբերյալ տեղեկատվություն ունենալու համար խնդրում ենք այցելել հետևյալ հասցե՝ http://moj.am/services/service_offices: