Արդարադատության նախարարի օգոստոսի 29-ի 510-Ա հրաման. Սնանկության գործով կառավարիչների որակավորման հանձնաժողով ստեղծելու, դրա անհատական կազմը հաստատելու եվ արդարադատության նախարարի 2022 թվականի հոկտեմբերի 11-ի n 625-ա հրամանն ուժը կորցրած ճանաչելու մասին

Հ Ր Ա Մ Ա Ն   N 510-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ

«29» ՕԳՈՍՏՈՍԻ 2023 Թ.   ՔԱՂ. ԵՐԵՎԱՆ

ՍՆԱՆԿՈՒԹՅԱՆ ԳՈՐԾՈՎ ԿԱՌԱՎԱՐԻՉՆԵՐԻ ՈՐԱԿԱՎՈՐՄԱՆ ՀԱՆՁՆԱԺՈՂՈՎ ՍՏԵՂԾԵԼՈՒ, ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ԵՎ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 2022 ԹՎԱԿԱՆԻ ՀՈԿՏԵՄԲԵՐԻ 11-Ի N 625-Ա ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 37-րդ հոդվածով, ինչպես նաև հիմք ընդունելով Արդարադատության նախարարի 2020 թվականի N 112-Ն հրամանի 1-ին կետի 1-ին ենթակետով հաստատված N 1 հավելվածի  6-րդ և 7-րդ կետերը, Հայաստանի Հանրապետության վարչապետի 2018 թվականի հունիսի 11-ի N 704-Լ որոշմամբ հաստատված հավելվածի 18-րդ կետի 20-րդ ենթակետը.

Հ Ր Ա Մ Ա Յ Ո Ւ Մ   Ե Մ՝

1. Սնանկության գործով կառավարիչների որակավորման ստուգում անցկացնելու նպատակով ստեղծել Սնանկության գործով կառավարիչների որակավորման հանձնաժողով (այսուհետ՝ Հանձնաժողով):
2. Հաստատել Հանձնաժողովի անհատական կազմը՝ համաձայն հավելվածի:
3. Արդարադատության նախարարության իրավական ապահովման վարչությանը՝

1) որակավորման ստուգումն անցկացնելուց ոչ ուշ, քան մեկ ամիս առաջ ապահովել որակավորումն անցկացնելու մասին հայտարարության հրապարակումը  Արդարադատության նախարարության՝ www.moj.am պաշտոնական ինտերնետային կայքէջում՝ նշելով որակավորման ստուգման (փուլի) անցկացման տարին, ամիսը, ամսաթիվը, ժամը և վայրը, պահանջվող փաստաթղթերի ցանկը, ինչպես նաև պահանջվող փաստաթղթերը ներկայացնելու եղանակը, վերջնաժամկետը և վայրը,

2) ապահովել որակավորման ստուգման թեստային առաջադրանքի և իրավիճակային խնդրի նմուշների հրապարակումը նախարարության՝ www.moj.am պաշտոնական ինտերնետային կայքում ոչ ուշ, քան որակավորման ստուգումն անցկացնելուց տասն օր առաջ,

3) ապահովել Հանձնաժողովի գործունեության քարտուղարությունը։

4. Ուժը կորցրած ճանաչել Արդարադատության նախարարի 2022 թվականի հոկտեմբերի 11-ի «Սնանկության գործով կառավարիչների որակավորման հանձնաժողով ստեղծելու, դրա անհատական կազմը հաստատելու և Արդարադատության նախարարի 2020 թվականի հուլիսի 14-ի N 258-Ա հրամանն ուժը կորցրած ճանաչելու մասին» N 625-Ա հրամանը:
5. Սույն հրամանի կատարման հսկողությունը հանձնարարել Արդարադատության նախարարի տեղակալ Արմենուհի Հարությունյանին:

ԳՐԻԳՈՐ ՄԻՆԱՍՅԱՆ

Հավելված

Արդարադատության նախարարի

                                                                                                                               2023 թվականի օգոստոսի 29-ի

                                                                                                                              N 510-Ա հրամանի

ԱՆՀԱՏԱԿԱՆ ԿԱԶՄ

ՍՆԱՆԿՈՒԹՅԱՆ ԳՈՐԾՈՎ ԿԱՌԱՎԱՐԻՉՆԵՐԻ ՈՐԱԿԱՎՈՐՄԱՆ ՀԱՆՁՆԱԺՈՂՈՎԻ