«Իրավական ակտերի նախագծերի մշակման մեթոդական ձեռնարկ»-ը մշակվել է ՀՀ արդարադատության նախարարության «Օրենսդրության զարգացման կենտրոն» հիմնադրամի կողմից՝ աջակցելու իրավաբաններին, պետական, մասնավոր և հասարակական կառույցների մասնագետներին, ինչպես նաև ուսանողներին իրավական ակտերի նախագծման գործընթացում: Ձեռնարկը կարևոր գործիք է իրավական ակտերի մշակման արդյունավետության և որակի բարձրացման համար՝ ապահովելով օրենքով սահմանված պահանջների և չափանիշների կիրառումը: Այն ներառում է իրավական ակտերի նախագծման բոլոր փուլերը՝ սկսած նախնական ուսումնասիրություններից մինչև հանրային քննարկումներ և փորձաքննություն:
