Հ Ա Յ Տ Ա Ր Ա Ր Ո Ւ Թ Յ Ո Ւ Ն ՀՀ արդարադատության նախարարության «Օրենսդրության զարգացման և իրավական հետազոտությունների կենտրոն» հիմնադրամի ազգային կարճաժամկետ փորձագետի (կոդ` ՕԿ-ԿՓ-03) ընտրության հարցազրույց անցկացնելու մասին
13/12/2016
Հայաստանի Հանրապետության կառավարության 2016 թվականի օգոստոսի 25-ի թիվ 858-Ն որոշման հիման վրա ստեղծվել է «Օրենսդրության զարգացման և իրավական հետազոտությունների կենտրոն» հիմնադրամը (այսուհետ` Հիմնադրամ), որն, ի թիվս այլնի, պետք է ապահովի առավել կարևորություն ունեցող օրենսդրության մշակումը:
Հարկ է նշել, որ Հիմնադրամի կայացման և երկարաժամկետ կայունության հեռանկարով գործունեության ապահովման նպատակով ԱՄՆ միջազգային զարգացման գործակալության (այսուհետ` ԱՄՆ ՄԶԳ) աջակցությամբ իրականացվում է «Օժանդակություն «Օրենսդրության զարգացման և իրավական հետազոտությունների կենտրոն»-ի ստեղծմանը» ծրագիրը:
Վերոհիշյալ ծրագրի շրջանակներում նախատեսված է նաև առանձին օրենսդրական ակտերի մշակման նպատակով փորձառու ազգային կարճաժամկետ փորձագետների ներգրավման հնարավորություն:
Կատարվելիք աշխատանքը և դրա բնույթը.
Անհրաժեշտ է մշակել և Հիմնադրամին ներկայացնել «Խղճի ազատության և կրոնական կազմակերպությունների մասին» ՀՀ օրենքում լրացումներ և փոփոխություններ կատարելու մասին» ՀՀ օրենքի նախագիծը, որի անհրաժեշտությունը բխում է 2015 թվականի դեկտեմբերի 6-ի հանրաքվեով իրականացված սահմանադրական փոփոխություններից:
Փորձագետին ներկայացվող պահանջները
|
Կրթություն |
«Իրավագիտություն» մասնագիտությամբ բարձրագույն կրթություն («Իրավագիտություն» մասնագիտությամբ գիտական աստիճանի առկայությունը ցանկալի է) |
|
Աշխատանքային փորձ
|
1) իրավաբանական գիտությունների թեկնածուի գիտական աստիճան և 1 տարվա մասնագիտական ստաժ, որից առնվազն 6 ամիսը պետք է կապված լինի իրավաստեղծ գործունեության հետ, կամ 2) ասպիրանտի, հայցորդի կարգավիճակ և 2 տարվա մասնագիտական ստաժ, որից առնվազն մեկ տարին պետք է կապված լինի իրավաստեղծ գործունեության հետ, կամ 3) մասնագիտությամբ հանրային ծառայության երեք տարվա ստաժ կամ ընդհանուր 5 տարվա մասնագիտական ստաժ, որից առնվազն մեկ տարին պետք է կապված լինի իրավաստեղծ գործունեության հետ*:
*Մասնագիտական ստաժում հաշվառվում է միայն վերջին 6 տարիների ընթացքում աշխատած ժամանակահատվածը:
|
|
Լեզուների Իմացություն
|
Հայերեն (գերազանց), ռուսերեն (լավ), անգլերեն (լավ) |
|
Համակարգչային Գիտելիքներ
|
MS Office |
|
Առավել անհրաժեշտ անձնային հատկանիշներ |
|
|
Այլ հմտություններ |
Ուժեղ ներքին և արտաքին հաղորդակցման հմտություններ |
|
Այլ գիտելիքներ |
Հիմնադրամի գործունեությանը առնչվող իրավական ակտերի պատշաճ իմացություն |
Դիմելու ընթացակարգ և պայմաններ
Հարցազրույցին մասնակցելու համար անհրաժեշտ է ներկայացնել.
1. անձնագիր,
2. լուսանկար և էլեկտրոնային փոստի մասին տեղեկություն պարունակող ինքնակենսագրական (CV),
2. հիմնավորող նամակ (motivation letter), որում պետք է հստակ մատնանշվեն նախկին համանման փորձառությունը՝ իրավական ակտերի ու աշխատելու ժամանակաշրջանի մատնանշմամբ և իր կողմից աշխատանքների առավել որակյալ կատարման հիմնավորումը,
3. աշխատանքային փորձի առկայությունը հավաստող փաստաթղթեր (աշխատանքային գրքույկ, աշխատանքային պայմանագիր և այլն),
4. մասնագիտացումը հավաստող փաստաթղթեր (դիպլոմ, վկայագիր, ԲՈՒՀ-ի կամ ԲՈՀ-ի տեղեկանք և այլն)
5. երաշխավորագիր (ցանկության դեպքում):
Փաստաթղթերի պատճենները (լուսապատճենները) կարող են ներկայացվել էլեկտրոնային կամ թղթային եղանակով:
Էլեկտրոնային եղանակով ներկայացնելիս անհրաժեշտ է դրանք ուղարկել legislativecenter@moj.am էլեկտրոնային հասցեին՝ subject մասում նշելով «Դիմում Հայաստանի Հանրապետության արդարադատության նախարարության «Օրենսդրության զարգացման և իրավական հետազոտությունների կենտրոն» հիմնադրամի ազգային կարճաժամկետ փորձագետի (կոդ` ՕԿ-ԿՓ-03) ընտրության համար անցկացվող հարցազրույցին մասնակցելու համար»:
Փաստաթղթերի պատճենները կարող են ներկայացվել նաև ՀՀ արդարադատության նախարարություն, ՀՀ, Երևան, Վազգեն Սարգսյան 3/8 հասցեով առձեռն կամ փոստային առաքմամբ՝ ուղեկցական նամակի վերնագիր նշելով «Դիմում Հայաստանի Հանրապետության արդարադատության նախարարության «Օրենսդրության զարգացման և իրավական հետազոտությունների կենտրոն» հիմնադրամի ազգային կարճաժամկետ փորձագետի (կոդ` ՕԿ-ԿՓ-03) ընտրության համար անցկացվող հարցազրույցին մասնակցելու համար»:
Փաստաթղթերի ընդունման վերջնաժամկետն է՝ 2016 թվականի դեկտեմբերի 23-ը ներառյալ:
Միայն ներկայացվող պահանջներին առերևույթ համապատասխանող և հարցազրույցին մասնակցելու համար ընտրված թեկնածուները կհրավիրվեն հարցազրույցի, որի ժամանակի և վայրի մասին կիրականացվի լրացուցիչ ծանուցում:
Հարցազրույցին անհրաժեշտ է ներկայանալ անձը հավաստող փաստաթղթով և ներկայացված փաստաթղթերի բնօրինակներով:
