Մրցույթ՝ Արդարադատության նախարարությունը բիզնես վերլուծության խորհրդատվական ծառայությունների ոլորտում մասնագիտացած ընկերություններին հրավիրում է մասնակցելու բաց մրցույթի

Արդարադատության նախարարությունը բիզնես վերլուծության խորհրդատվական ծառայությունների ոլորտում մասնագիտացած ընկերություններին հրավիրում է մասնակցելու բաց մրցույթի ծածկագիր` ՀՀԱՆ-ԲՄԽԾՁԲ-23/01

Քրեակատարողական հիմնարկներում պահվող անձանց վերաբերյալ ամբողջական տեղեկատվություն մշակելու, ստորաբաժանումների կողմից իրականացված աշխատանքների համապարփակ վերլուծությունն ապահովելու, ինչպես նաև հսկողության գործուն միջոցներ ներդնելու անհրաժեշտությամբ պայմանավորված՝ մանրամասնորեն նախագծվել և մշակվել է «Կալանավորված անձանց և դատապարտյալների տեղեկատվական ռեգիստրը»՝ «e-penitentiary» էլեկտրոնային կառավարման համակարգը:

Հայաստանի Հանրապետության քրեակատարողական և պրոբացիայի ոլորտի՝ 2019-2023 թվականների ռազմավարությամբ և դրա իրականացման՝ 2019-2023 թվականների միջոցառումների ծրագրով Քրեակատարողական ծառայությունում ներդրված «E-penitentiary» էլեկտրոնային կառավարման համակարգի ծրագրային ապահովման թարմացում իրականացնելու, բիզնես պրոցեսների թվայնացման և ամբողջությամբ փաստաթղթաշրջանառության կրճատման նպատակով՝ Հայաստանի Հանրապետության արդարադատության նախարարությունը հայտարարում է բաց մրցույթ:

Արդարադատության նախարարությունը հրավիրում է բոլոր՝ բիզնես վերլուծության խորհրդատվական ծառայությունների ոլորտում մասնագիտացած ընկերություններին մասնակցելու ՀՀԱՆ-ԲՄԽԾՁԲ-23/01 ծածկագրով գնման գործընթացին, որն իրականացվում է մեկ փուլով` էլեկտրոնային գնումների Armeps (www.armeps.am) համակարգի միջոցով՝ հայերեն և ռուսերեն լեզուներով:

Ծածկագիր՝  ՀՀԱՆ-ԲՄԽԾՁԲ-23/01

Հղում՝

http://www.armeps.am/epps/cft/prepareViewCfTWS.do?resourceId=8781936

Հայտերի ընդունման վերջնաժամկետ՝ 2022 թվականի դեկտեմբերի 01-ը՝ մինչև ժամը 14:00-ն:

Ընթացակարգի ծածկագիրը`  ՀՀԱՆ-ԲՄԽԾՁԲ-23/01

Ընթացակարգին մասնակցության հայտերն անհրաժեշտ է ներկայացնել էլեկտրոնային ձևով` էլեկտրոնային գնումների Armeps (www.armeps.am) համակարգի միջոցով: Հայտերը, հայերենից բացի, կարող են ներկայացվել նաև անգլերեն կամ ռուսերեն:

Մանրամասներ.

Խորհրդատուի թեկնածուին ներկայացվող պահանջները

Խորհրդատուն պետք է բավարարի առնվազն հետևյալ մասնագիտական պահանջներին՝

• Բարձրագույն կրթություն տեղեկատվական տեխնոլոգիաների կամ հարակից ոլորտներում,

• Առնվազն 10 տարվա աշխատանքային փորձ տեղեկատվական տեխնոլոգիաների ոլորտում,

• Տեղեկատվական համակարգերի ստեղծման կամ դրանց արդիականացման համար տեխնիկական նկարագրերի մշակման առնվազն 7 ծրագրերում մասնակցության փորձ, որից առնվազն 3՝ միջազգային ծրագրերի շրջանակներում,

• Մասնակցություն պետական կառավարման ոլորտում տեղեկատվական համակարգերի ստեղծման կամ սպասարկման աշխատանքների:

Անհրաժեշտ է ներկայացնել մասնագիտական փորձառությունը հավաստող փաստաթղթեր՝ պայմանագրեր կամ այլ հավաստող փաստաթղթեր:

Խորհրդատուի գնահատումը իրականացվելու է հետևյալ չափանիշներով և կարգով.

Ընտրված խորհրդատու է որոշվում ներկայացված հայտերից` հրավերով նախատեսված` ոչ գնային նվազագույն պայմաններին համապատասխանող գնահատված և ամենացածր գին առաջարկած մասնակիցը: