Հայտարարություն՝ Թարգմանությունների վերանայողի թափուր պաշտոնն զբաղեցնելու մասին

Պաշտոնը՝ Թարգմանությունների վերանայող

Աշխատաժամանակը՝ ոչ լրիվ

Պայմանագրի ժամկետը՝ անորոշ, երեք ամիս փորձաշրջանով

Աշխատանքի նկարագիր՝ թարգմանությունների վերանայողը պատասխանատու է թարգմանված ՀՀ, ԵՄ, ԵԱՏՄ և այլ իրավական ակտերի, միջազգային պայմանագրերի, ՄԻԵԴ վճիռների, դատական ակտերի և ՀՀ միջազգային հանձնառություններին վերաբերող իրավական այլ փաստաթղթերի վերանայման համար:

Պարտականությունները և լիազորությունները՝

• թարգմանված իրավական փաստաթղթերի վերանայում,

• թարգմանված իրավական ակտերի լեզվաբանական գնահատում՝ օրենսդրական տեխնիկայի կանոնների հետ համապատասխանության մասով,

• աջակցություն թարգմանիչներին և եզրաբաններին իրավական համապատասխանեցման ենթակա միջազգային և ԵՄ/ԵԱՏՄ վերազգային իրավական հասկացությունների տեղայնացման հարցում,

• մասնակցություն եզրաբանական նյութերի, շտեմարանների, ձեռնարկների մշակման աշխատանքներին:

Պահանջվող որակավորումը և հմտությունները՝

• թարգմանչական գործի, լեզվաբանության, իրավագիտության կամ հարակից այլ բնագավառի բարձրագույն կրթություն,

• անգլերենի գերազանց իմացություն,

• ռուսերենի լավ իմացություն,

• իրավական ակտերի թարգմանության կամ թարգմանությունների վերանայման բնագավառում աշխատանքային փորձը կհամարվի առավելություն,

• ՀՀ իրավական համակարգի` ներառյալ հանրային և մասնավոր իրավունքի հիմնական ճյուղերի իմացությունը, իրավական հետազոտության հմտությունները, համեմատական-իրավական վերլուծության հմտությունները, միջազգային հանրային իրավունքի և ՀՀ օրենսդրության մաս կազմող միջազգային իրավական գործիքների (ՄԱԿ, ԵՄ, ԵԱՏՄ) իմացությունը կհամարվի առավելություն,

• օրենսդրական տեխնիկայի իմացությունը կհամարվի առավելություն,

• արտերկրի բարձրագույն ուսումնական հաստատությունում ստացած որակավորումը կամ մասնագիտացումը կհամարվի առավելություն,

• համակարգչով և ժամանակակից այլ տեխնիկական միջոցներով աշխատելու ունակություն:

Աշխատավարձը՝  198 000 ՀՀ դրամ (ներառյալ հարկերը) (կես դրույքի դեպքում), ինչպես նաև պետական աշխատողների համար նախատեսված սոցիալական ապահովագրության փաթեթ:

Դիմելու համար պահանջվող փաստաթղթերն են՝

• կենսագրական (CV)՝ հայերեն կամ անգլերեն,

• բարձրագույն կրթության դիպլոմ,

• աշխատանքային փորձի առկայության դեպքում՝ այն հավաստող որևէ փաստաթուղթ (տեղեկանք, նախկինում կիրառվող աշխատանքային գրքույկ, եւ այլն):

Փաստաթղթերը սկանավորված ուղարկել lzakaryan@translation-centre.am էլեկտրոնային հասցեով` «Թեմա» դաշտում նշելով այն պաշտոնի անվանումը, որի համար ներկայացվում է դիմումը, կամ նշված փաստաթղթերի պատճենները ներկայացնել «Հայաստանի Հանրապետության արդարադատության նախարարության թարգմանությունների կենտրոն» ՊՈԱԿ` Կոմիտասի 54բ հասցեով, ժամը 10։00-ից 18։00-ը, բացի շաբաթ և կիրակի օրերից:

Փաստաթղթային փուլն անցած դիմորդները կմասնակցեն գրավոր թեստավորման (հայերենի, անգլերենի և ռուսերենի իմացություն, իրավական գիտելիքներ, վերանայման հմտություններ), իսկ թեստավորման արդյունքում ամենաբարձր միավորներ ստացած դիմորդները կհրավիրվեն հարցազրույցի։

Փաստաթղթերի ընդունման վերջնաժամկետն է` 31.08.2023թ.: