Հայտարարություն՝ Ամփոփվել են «Գեղարքունիքի մարզ» (նստավայր՝ ք. Գավառ), «Կոտայքի մարզ» (նստավայր՝ ք. Աբովյան) նոտարական տարածքների համար հայտարարված՝ նոտարների թեկնածուների որակավորման ստուգման երկրորդ փուլի արդյունքները

Արդարադատության նախարարության գլխավոր քարտուղար Սիրվարդ Գևորգյանի նախագահությամբ 26.01.2024թ.-ին անցկացվել է «Գեղարքունիքի մարզ» (նստավայր՝ ք. Գավառ), «Կոտայքի մարզ» (նստավայր՝ ք. Աբովյան) նոտարական տարածքների համար 2023թ.-ին հայտարարված՝ նոտարների թեկնածուների որակավորման ստուգման երկրորդ՝ հարցազրույցի փուլը:

«Կոտայքի մարզ» (նստավայր՝ ք. Աբովյան) նոտարական տարածքի համար, ինպես նաև «Գեղարքունիքի մարզ» նոտարական տարածքի (նստավայր՝ ք. Գավառ) համար հայտարարված որակավորման ստուգման առաջին փուլը հաղթահարել և երկրորդ փուլին մասնակցելու հնարավորություն էր ստացել 2-ական մասնակից:

Որակավորման ստուգման երկրորդ` հարցազրույցի փուլը կազմված էր երկու մասից՝

1) յուրաքանչյուր մասնակցի անձնական գործի և անցած մասնագիտական փորձի ուսումնասիրություն: Մասնակիցները ներկայացրել են տեղեկություններ իրենց աշախտանքային գործունեության, նոտարական ոլորտին առնչության վերաբերյալ, ինչպես նաև նշել են նոտար դառնալու իրենց շարժառիթները: Որպես նոտար աշխատելու համար անհրաժեշտ այլ անձնական հմտություններն ու որակները գնահատելու նպատակով՝ հանձնաժողովի անդամները հարցեր են տվել մասնակիցներին.

2) նոտարի գործունեությանը վերաբերող հիպոթետիկ իրավիճակի վերաբերյալ մասնակցի կողմից իրականացվող վերլուծություն և դիրքորոշման ներկայացում՝ նոտարական էթիկայի կանոնների իմացությունը, որպես նոտար գործելու համար կարևոր այլ անձնական հատկանիշները, կարճ ժամանակահատվածում հանպատրաստից կողմնորոշվելու, ինքնատիրապետման, վարվեցողության, հաղորդակցման հմտությունները, վերլուծական կարողությունները, հմտություններն ու որակները գնահատելու համար:

Նշված իրավիճակի ընտրությունը կատարվել է նախարարության կողմից նախապատրաստված հարցերը վիճակահանությամբ հավակնորդի կողմից ընտրելու միջոցով:

Բոլոր մասնակիցների հարցազրույցներից հետո հանձնաժողովի անդամները դռնփակ նիստում իրականացրել են հարցազրույցի արդյունքների ամփոփիչ քննարկում, որի արդյունքում հանձնաժողովը՝ առանձին-առանձին նշանակված գնահատականների միջինով որոշել է մասնակիցների վերջնական գնահատականները:

Արդարադատության նախարարությունը շնորհավորում է 2023թ. նոտարների թեկնածուների որակավորման ստուգումը հաղթահարած 2 մասնակիցներին՝ մաղթելով բեղմնավոր աշխատանք:

Հանձնաժողովն իր որոշմամբ կհաստատի որակավորման ստուգումը հաղթահարած մասնակիցներին և նոտարական պալատի կողմից դրական եզրակացություն ստանալու դեպքում՝ կառաջարկի արդարադատության նախարարին՝ որակավորման ստուգումը հաղթահարած մասնակիցներին նշանակել նոտարի համապատասխան պաշտոններում:

            «ԳԵՂԱՐՔՈՒՆԻՔԻ ՄԱՐԶ» ՆՈՏԱՐԱԿԱՆ ՏԱՐԱԾՔԻ (ՆՍՏԱՎԱՅՐ՝ Ք. ԳԱՎԱՌ) ՀԱՄԱՐ 2023Թ. ՀԱՅՏԱՐԱՐՎԱԾ ՆՈՐՏԱՐՆԵՐԻ ԹԵԿՆԱԾՈՒՆԵՐԻ ՈՐԱԿԱՎՈՐՄԱՆ ՍՏՈՒԳՄԱՆ 1-ԻՆ ԵՎ 2-ՐԴ ՓՈՒԼԵՐԸ ՀԱՂԹԱՀԱՐԱԾ ՄԱՍՆԱԿԻՑ

ԿՈՏԱՅՔԻ ՄԱՐԶ» ՆՈՏԱՐԱԿԱՆ ՏԱՐԱԾՔԻ (ՆՍՏԱՎԱՅՐ՝ Ք. ԱԲՈՎՅԱՆ) ՀԱՄԱՐ 2023Թ. ՀԱՅՏԱՐԱՐՎԱԾ ՆՈՐՏԱՐՆԵՐԻ ԹԵԿՆԱԾՈՒՆԵՐԻ ՈՐԱԿԱՎՈՐՄԱՆ ՍՏՈՒԳՄԱՆ 1-ԻՆ ԵՎ 2-ՐԴ ՓՈՒԼԵՐԸ ՀԱՂԹԱՀԱՐԱԾ ՄԱՍՆԱԿԻՑ