Հայտարարություն՝ Արդարադատության նախարարության քրեական օրենսդրության, քրեակատարողական և պրոբացիայի ոլորտի քաղաքականության մշակման վարչության փորձագետ ներգրավելու համար

Արդարադատության նախարարության քրեական օրենսդրության, քրեակատարողական և պրոբացիայի ոլորտի քաղաքականության մշակման վարչության փորձագետ ներգրավելու համար

1. Ծրագրով նախատեսված աշխատանքների համառոտ նկարագիրը՝

Փորձագետ ներգրավելու անհրաժեշտությունը պայմանավորված է քրեակատարողական և պրոբացիայի ոլորտում առկա խնդիրների վերհանմամբ, քրեակատարողական օրենսդրության մոնիթորինգի, տարբեր գերատեսչություններից քրեակատարողական հիմնարկների վերաբերյալ դիտարկումների կապակցությամբ ուսումնասիրությունների և դրանց արդյունքում  հստակ առաջարկների և իրավական ակտերի նախագծերի մշակմամբ, վերասոցիալականացման միջոցառումների արդյունքների գնահատման  մեթոդաբանության միջազգային փորձի ուսումնասիրության իրականացմամբ, դրա արդյունքում մեթոդաբանության մշակման աշխատանքների, ինչպես նաև ներման խնդրագրերի ծավալի աճով պայմանավորված՝ դրանցից բխող գործառույթների իրականացման աշխատանքների իրականացմամբ:

2. Փորձագետ ներգրավելու ժամկետն է՝ մինչև 3 (երեք) ամիս:

3. Փորձագետի պարտականությունները՝

• քրեակատարողական օրենսդրության մոնիթորինգի իրականացում, դրա հիման վրա առաջարկությունների ներկայացման աշխատանքներ,

• ՀՀ քրեակատարողական ոլորտի իրավական ակտերի նախագծերի մշակման աշխատանքներ,

• Քրեակատարողական հիմնարկների վերաբերյալ դիտարկումների կապակցությամբ ուսումնասիրությունների իրականացման և դրանց արդյունքում իրավական ակտերի նախագծերի մշակման աշխատանքներ,

• Վերասոցիալականացման միջոցառումների արդյունքների գնահատման մեթոդաբանության միջազգային փորձի ուսումնասիրության իրականացում և մեթոդաբանության մշակում,

• Ներման խնդրագիրը քննարկելու նպատակով ներման խնդրագիր ներկայացրած անձի վերաբերյալ անձնական գործի և ամփոփ տեղեկանքների կազմման աշխատանքներ,

• Վարչության կողմից համակարգվող ոլորտների վերաբերյալ քաղաքացիների` այդ թվում՝ օտարերկրյա քաղաքացիների և քաղաքացիություն չունեցող անձանց և իրավաբանական անձանց գրավոր առաջարկությունների, դիմումների, այդ թվում՝ տեղեկատվության հարցումների, և բողոքների օրենքով սահմանված կարգով քննարկման և վերլուծության արդյունքում պատասխանների նախագծերի կազմման աշխատանքների իրականացում,

• Վարչության կողմից համակարգվող ոլորտներում դեռևս չկարգավորված հարաբերությունների կարգավորմանն ուղղված իրավական ակտերի նախագծերի, ինչպես նաև արդեն իսկ ընդունված և ուժի մեջ մտած իրավական ակտերում փոփոխություններ և լրացումներ կատարելու մասին նախագծերի մշակման աշխատանքներ,

• Պատիժները կատարելու նկատմամբ հասարակական վերահսկողություն իրականացնող հասարակական դիտորդների խմբի կողմից ներկայացված հրատապ, ընթացիկ և տարեկան հաշվետվությունների վերաբերյալ նախարարության մեկնաբանությունների նախագծերի կազմման աշխատանքներ,

• Քրեակատարողական և պրոբացիայի ոլորտի առնչությամբ Հայաստանի Հանրապետության մարդու իրավունքների պաշտպանի կողմից ներկայացվող (այդ թվում՝ որպես կանխարգելման ազգային մեխանիզմ) զեկույցների քննարկումը, վերլուծությունը և անհրաժեշտության դեպքում նախարարության մեկնաբանությունների նախագծերի կազմման աշխատանքներ։

Բարեխղճորեն կատարել պայմանագրով ստանձնած աշխատանքները, պահպանել Նախարարության ներքին կարգապահական կանոնները, իրականացնել աշխատանքային օրենսդրությամբ, Հանրային ծառայության մասին օրենքով և պայմանագրով իրեն վերապահված պարտականությունները:     

4. Փորձագետին ներկայացվող պահանջները՝

• Հայաստանի Հանրապետության քաղաքացիություն,

• իրավագիտություն մասնագիտությամբ բարձրագույն կրթություն,

• քրեական և քրեակատարողական օրենսդրության ոլորտին վերաբերող օրենսդրության, ինչպես նաև ՀՀ ստանձնած միջազգային պարտավորությունների իմացություն,

• հայերենի իմացություն

• ռուսերեն կամ անգլերեն լեզվի իմացություն,

• իրավական ակտերի մշակման կարողություններ և հմտություններ,

• հաշվետվությունների մշակման ունակություն,

• համակարգչով և ժամանակակից այլ տեխնիկական միջոցներով աշխատելու ունակություն:

5. Դիմումների ներկայացման վերջնաժամկետն է՝

    2025թ. հունիսի 25-ը ներառյալ

6. Աշխատանքի վայրը, հեռախոսահամար՝

    ՀՀ, ք. Երևան, Վազգեն Սարգսյան 3/8, հեռախոս՝ 010-59-40-58:

7. Չի թույլատրվում հավակնորդի հետ պայմանագիր կնքել, եթետվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարգապահական տույժ կիառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին»  օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում:

8. Դիմողի կողմից ներկայացվող փատաթղթերի անհրաժեշտ ցանկ՝

• դիմում՝ (ձևը կցվում է),

• հայտարարություն (ձևը կցվում է) ՀՀ կառավարության 02.08.2018թ. N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին,

• տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմ(ների), վկայականի(ների) պատճենները, աշխատանքային գրքույկի (վերջինիս բացակայության դեպքում՝ տեղեկանք համապատասխան մարմնից) կամ աշխատանքային գործունեությունը հավաստող փաստաթղթի հաստատված պատճենները,

• արական սեռի անձինք՝ նաև զինվորական գրքույկի կամ դրան փոխարինող ժամանակավոր՝ զորակոչային տեղամասին կցագրման վկայականի պատճենը կամ համապատասխան տեղեկանք,

• ինքնակենսագրական,

• մեկ լուսանակար՝ 3 x 4սմ չափսի,

• անձնագրի և հանրային ծառայության համարանիշի (սոցիալական քարտի) կամ նույնականացման քարտի պատճենները:

9. Ընտրություն կատարելու եղանակն է՝ դիմում ներկայացրած քաղաքացիների փաստաթղթերի և ինքնակենսագրականների ուսումնասիրություն:

10. Դիմողը փաստաթղթերը ներկայացնում է պատճենների հետ միաժամանակ՝ անձամբ կամ էլեկտրոնային տարբերակով՝ հետևյալ Էլ. փոստին՝ hr@moj.am:

11. Ընտրված փորձագետի վերաբերյալ տեղեկությունը կհրապարակվի Արդարադատության նախարարության պաշտոնական կայք էջում (https://www.moj.am/)

     Դիմումները ընդունվում են աշխատանքային օրերին՝  ժամը 10⁰⁰-12⁰⁰-ը  և  14³⁰-17⁰⁰-ը:

Լրացուցիչ տեղեկություններ ստանալու համար դիմել Արդարադատության նախարարության անձնակազմի կառավարման վարչություն՝ հեռ. 010-59-40-58/: