Տեղեկատվություն՝ նոտարների թեկնածուների որակավորման ստուգման երկրորդ` հարցազրույցի փուլի արդյունքների մասին

Ամփոփվել են Տավուշի մարզ (նստավայր՝ ք. Դիլիջան), «Վայոց ձորի մարզ» (նստավայր՝ ք. Եղեգնաձոր), «Սյունիքի մարզ» (նստավայր՝ ք. Սիսիան և ք. Կապան) նոտարական տարածքների համար հայտարարված՝ նոտարների թեկնածուների որակավորման ստուգման

երկրորդ` հարցազրույցի փուլի արդյունքները

Արդարադատության նախարարի տեղակալ Տիգրան Դադունցի նախագահությամբ նոտարների թեկնածուների որակավորման հանձնաժողովը 2025 թվականի օգոստոսի 5-ին անցկացրել է Տավուշի մարզ (նստավայր՝ ք. Դիլիջան), «Վայոց ձորի մարզ» (նստավայր՝ ք. Եղեգնաձոր), «Սյունիքի մարզ» (նստավայր՝ ք. Սիսիան և ք. Կապան) նոտարական տարածքների համար 2025թ.-ին հայտարարված՝ նոտարների թեկնածուների որակավորման ստուգման երկրորդ՝ հարցազրույցի փուլը:

Որակավորման ստուգման առաջին փուլը հաղթահարել և երկրորդ փուլին մասնակցելու հնարավորություն էր ստացել 6 մասնակից:

Որակավորման ստուգման երկրորդ` հարցազրույցի փուլը կազմված էր երկու մասից՝

1) յուրաքանչյուր մասնակցի անձնական գործի և անցած մասնագիտական փորձի ուսումնասիրություն: Մասնակիցները ներկայացրել են տեղեկություններ իրենց աշխատանքային գործունեության, նոտարական ոլորտին առնչության վերաբերյալ, ինչպես նաև նշել են նոտար դառնալու իրենց շարժառիթները: Որպես նոտար աշխատելու համար անհրաժեշտ այլ անձնական հմտություններն ու որակները գնահատելու նպատակով՝ հանձնաժողովի անդամները հարցեր են տվել մասնակիցներին.

2) նոտարի գործունեությանը վերաբերող հիպոթետիկ իրավիճակի վերաբերյալ մասնակցի կողմից իրականացվող վերլուծություն և դիրքորոշման ներկայացում՝ նոտարական էթիկայի կանոնների իմացությունը, որպես նոտար գործելու համար կարևոր այլ անձնական հատկանիշները, կարճ ժամանակահատվածում հանպատրաստից կողմնորոշվելու, ինքնատիրապետման, վարվեցողության, հաղորդակցման հմտությունները, վերլուծական կարողությունները, հմտություններն ու որակները գնահատելու համար:

Բոլոր մասնակիցների հարցազրույցներից հետո հանձնաժողովի անդամները դռնփակ նիստում իրականացրել են հարցազրույցի արդյունքների ամփոփիչ քննարկում, որի արդյունքում հանձնաժողովը՝ առանձին-առանձին նշանակված գնահատականների միջինով որոշել է մասնակիցների վերջնական գնահատականները:

Արդարադատության նախարարությունը շնորհավորում է 2025թ. նոտարների որակավորման ստուգումը հաղթահարած 4 մասնակիցներին՝ մաղթելով բեղմնավոր աշխատանք:

«ՏԱՎՈՒՇԻ ՄԱՐԶ» ՆՈՏԱՐԱԿԱՆ ՏԱՐԱԾՔԻ (ՆՍՏԱՎԱՅՐ՝ Ք. ԴԻԼԻՋԱՆ) ՀԱՄԱՐ 2025Թ. ՀԱՅՏԱՐԱՐՎԱԾ ՆՈՏԱՐՆԵՐԻ ԹԵԿՆԱԾՈՒՆԵՐԻ ՈՐԱԿԱՎՈՐՄԱՆ ՍՏՈՒԳՄԱՆ 1-ԻՆ ԵՎ 2-ՐԴ ՓՈՒԼԵՐԸ ՀԱՂԹԱՀԱՐԱԾ ՄԱՍՆԱԿԻՑ

«ՎԱՅՈՑ ՁՈՐԻ ՄԱՐԶ» ՆՈՏԱՐԱԿԱՆ ՏԱՐԱԾՔԻ (ՆՍՏԱՎԱՅՐ՝ ԵՂԵԳՆԱՁՈՐ) ՀԱՄԱՐ 2025Թ. ՀԱՅՏԱՐԱՐՎԱԾ ՆՈՏԱՐՆԵՐԻ ԹԵԿՆԱԾՈՒՆԵՐԻ ՈՐԱԿԱՎՈՐՄԱՆ ՍՏՈՒԳՄԱՆ 1-ԻՆ ԵՎ 2-ՐԴ ՓՈՒԼԵՐԸ ՀԱՂԹԱՀԱՐԱԾ ՄԱՍՆԱԿԻՑ

«ՍՅՈՒՆԻՔԻ ՄԱՐԶ» ՆՈՏԱՐԱԿԱՆ ՏԱՐԱԾՔԻ (ՆՍՏԱՎԱՅՐ՝ Ք. ՍԻՍԻԱՆ) ՀԱՄԱՐ 2025Թ. ՀԱՅՏԱՐԱՐՎԱԾ ՆՈՏԱՐՆԵՐԻ ԹԵԿՆԱԾՈՒՆԵՐԻ ՈՐԱԿԱՎՈՐՄԱՆ ՍՏՈՒԳՄԱՆ 1-ԻՆ ԵՎ 2-ՐԴ ՓՈՒԼԵՐԸ ՀԱՂԹԱՀԱՐԱԾ ՄԱՍՆԱԿԻՑ

«ՍՅՈՒՆԻՔԻ ՄԱՐԶ» ՆՈՏԱՐԱԿԱՆ ՏԱՐԱԾՔԻ (ՆՍՏԱՎԱՅՐ՝ Ք. ԿԱՊԱՆ) ՀԱՄԱՐ 2025Թ. ՀԱՅՏԱՐԱՐՎԱԾ ՆՈՏԱՐՆԵՐԻ ԹԵԿՆԱԾՈՒՆԵՐԻ ՈՐԱԿԱՎՈՐՄԱՆ ՍՏՈՒԳՄԱՆ 1-ԻՆ ԵՎ 2-ՐԴ ՓՈՒԼԵՐԸ ՀԱՂԹԱՀԱՐԱԾ ՄԱՍՆԱԿԻՑ