Նախարարն ընդունել է Չեխիայի դեսպանին
26/01/2015
![](/storage/files/news/news_2226517413531_10945042_789994074410394_5556433831254645360_n.jpeg)
ՀՀ արդարադատության նախարար Հովհաննես Մանուկյանն ընդունել է Հայաստանի Հանրապետությունում Չեխիայի Հանրապետության արտակարգ և լիազոր դեսպան Պետր Միկիսկային:
Դեսպանը շնորհակալություն է հայտնել նախարարին ընդունելության համար՝ նշելով, որ Հայաստանը Չեխիայի համար կարևոր գործընկեր է, և չեխական կողմը բարձր է գնահատում մեր երկրի հետ բազմաոլորտ համագործակցությունը:
Հանդիպմանը քննարկվել են երկու պետությունների միջև իրավական ոլորտում համագործակցությանն առնչվող հարցեր:
Նախարարը պատրաստակամություն է հայտնել ցանկացած ձևաչափով համագործակցության՝ կարևորելով երկու երկրների իրավական և դատական համակարգերի բարեփոխումների ընթացքում փորձի փոխանակումը:
Հանդիպման ավարտին մտքեր են փոխանակվել հետագա գործակցության օրակարգային հարցերի մշակման ուղղությամբ: