Սուրեն Քրմոյանը մասնակցել է ԵՄ-Արևելյան գործընկերության երկրների արդարադատության և ներքին գործերի հարցերով նախարարական հանդիպմանը
30/01/2015
![](/storage/files/news/news_2261811055791_Informal-Meeting-of-Ministers-for-Justice-and-Home-Affairs-of-the-EU-and-Eastern-Partnership-countries-1059.jpeg)
Հայաստանի Հանրապետության արդարադատության նախարարի տեղակալ Սուրեն Քրմոյանը հունվարի 29-ին Լատվիայի Հանրապետությունում մասնակցել է ԵՄ-Արևելյան գործընկերության երկրների արդարադատության և ներքին գործերի հարցերով նախարարական հանդիպմանը:
Հանդիպման ընթացքում քննարկվել են օրենքի գերակայության ապահովման, կոռուպցիայի կանխարգելման և դրա դեմ պայքարի ամրապնդման տեսանկյունից դատական համակարգի, ոստիկանության և դատախազական համակարգերի բարեփոխումները:
Ներկայացվել են ՀՀ արդարադատության ոլորտում իրականացվող բարեփոխումները, դատավորների անկախությանն ուղղված նախորդ տարվա դատական օրենսգրքի ընդունված փոփոխությունները, քրեական օրենսդրության ոլորտի, պրոբացիոն ծառայության ներդրմանն ուղղված բարեփոխումները: Փոխադարձ պայմանավորվածություններ են ձեռք բերվել մի շարք երկրների հետ երկկողմ և բազմակողմ համագործակցության վերաբերյալ: