Արդարադատության նախարարության աշխատակիցներին է ներկայացվել առաջին բժշկական օգնություն ցուցաբերելու հմտությունները
21/08/2015
![](/storage/files/news/news_4013615763454_11901481_910790242326013_732351775_o.jpeg)
Հայաստանի Հանրապետության արդարադատության նախարարության նախաձեռնությամբ Հայկական Կարմիր խաչի ընկերությունը օգոստոսի 18-ից 20-ն իրականացրել է նախարարության մի շարք աշխատակիցների վերապատրաստում՝ առաջին բժշկական օգնություն ցուցաբերելու թեմայով:
Վարապատրաստման նպատակն էր աշխատակիցներին փոխանցել առաջին բուժօգնություն ցուցաբերելու գիտելիքներն ու հմտությունները:
Դասընթացի մասնակիցներին Հայկական Կարմիր խաչի ընկերության Առաջին օգնության բաժնի ղեկավար Արմինե Պողոսյանը ներկայացրել է սրտի աշխատանքի խանգարումների, փափուկ հյուսվածքների վնասվածքների, և ոսկրամկանային համակարգի վնասվածքների դեպքում իրականացվելիք անհրաժեշտ միջոցառումները, ինչպես նաև խոսել է այրվածքների և շնչուղիների խցանման դեպքում տուժածների վիճակը վերահսկելու միջոցների վերաբերյալ:
Հայկական Կարմիր խաչի ընկերության կամավորներն Արդարադատության նախարարության աշխատակիցներին են ներկայացրել առաջին բուժօգնության կանոններն ու ցուցադրել կոտրվածքը վիրակապելու ու արյունահոսությունը կանգնեցնելու հմտությունները: