Արդարադատության նախարար Արփինե Հովհաննիսյանը ընդունել է ԵԽ գլխավոր քարտուղարի տեղակալին
20/05/2016
Հայաստանի Հանրապետության արդարադատության նախարար Արփինե Հովհաննիսյանը մայիսի 20-ին ընդունել է ԵԽ գլխավոր քարտուղարի տեղակալ Գաբրիելլա Բատայինի-Դրագոնին: Ա. Հովհաննիսյանը իր խոսքում նշել է, որ մշտապես դրական գնահատկաններ են հնչեցվել ԵԽ գլխավոր քարտուղարի տեղակալի գործունեության հետ կապված, ինչի համար էլ ուրախ է իրենց այդ հանդիպման համար:
Նախարարը հավելել է, որ ԵԽ-ի հետ ՀՀ արդարադատության նախարարության համագործակցությունը արդյունավետ է համարում, որը լավ հիմքերի վրա է դրված հետագայում շարունակականություն ապահովվելու համար՝ հաշվի առնելով 2015 թվականի սեպտեմբերի 18-ին հաստատված 2015-2018 թվականների գործողությունների նոր ծրագիրը:
ԵԽ գլխավոր քարտուղարի տեղակալն էլ իր հերթին նշել է, որ երկկողմ հանդիպումը շատ է կարեւորում: Հանդիպման ժամանակ նախարարն ու ԵԽ գլխավոր քարտուղարի տեղակալը քննարկել են երկկողմ հետաքրքրություն ներկայացնող հարցեր, որոնք վերաբերել են ՀՀ ընտրական, դատական օրենսգրքերի փոփոխություններին, «Պրոբացիայի մասին» օրենքի ընդունմանը եւ մի շարք այլ հարցերի:
