Նախարարի տեղակալն ընդունել է Արգենտինայի Մարդու իրավունքների պետական քարտուղարին
23/06/2016
ՀՀ արդարադատության նախարարի առաջին տեղակալ Արսեն Մկրտչյանն այսօր ընդունել է Արգենտինայի Մարդու իրավունքների պետական քարտուղար Կլաուդիո Բերնարդո Ավրուխին:
Արսեն Մկրտչյանը, բարձր գնահատելով Կլաուդիո Ավրուխի հայանպաստ գործունեությունը և կարևորելով հայ-արգենտինական բարեկամական հարաբերությունները, նշել է, որ դրանք զարգանում են դինամիկ և փոխշահավետ մթնոլորտում:
Նախարարի առաջին տեղակալը, անդրադառնալով երկու երկրների Արդարադատության նախարարությունների միջև առկա համագործակցությանը, ընդգծել է, որ այն խորացնելու մեծ ներուժ կա, մասնավորապես՝ մարդու իրավունքների պաշտպանության և արդարադատության մատչելիության ոլորտներում:
Արգենտինայի մարդու իրավունքների պետական քարտուղարը շնորհակալություն է հայտնել ընդունելության համար և նշել, որ կա ցանկություն և կամք մարդու իրավունքների պաշտպանության բնագավառում փորձի փոխանակման և արդարադատության ոլորտում համագործակցությունը զարգացնելու համար:
Հանդիպման ավարտին կողմերը պայմանավորվել են համատեղ քայլեր ձեռնարկել քննարկվող ուղղություններով փոխգորակցության խորացման ու զարգացման ուղղությամբ:
