Արդարադատության նախարարը հանդիպել է Եվրոպական Հանձնաժողովի Արդարադատության, սպառողների և գենդերային հավասարության հարցերով հանձնակատարին
07/07/2016
![](/storage/files/news/news_6790097702251_13618228_793306687471993_1064175771_n.jpeg)
ՀՀ արդարադատության նախարար Արփինե Հովհաննիսյանը հուլիսի 7-ին Բրատիսլավայում հրավիրված ԵՄ- Արևելյան գործընկերության պետությունների նախարարների ոչ պաշտոնական հանդիպման շրջանակում հանդիպել է Եվրոպական Հանձնաժողովի Արդարադատության, սպառողների և գենդերային հավասարության հարցերով հանձնակատար Վերա Ժուրովայի հետ։
Հանդիպման ընթացքում կողմերը կարևորել են ԵՄ-Հայաստան համագործակցությունը՝ ընդգծելով, որ դատաիրավական բարեփոխումները դարձել են ԵՄ-Հայաստան համագործակցության կարևոր բաղադրիչներից մեկը։
Նախարարը հանձնակատարին է ներկայացրել 2012-2016 թվականների դատաիրավական բարեփոխումների ընթացքում ամրագրված ձեռքբերումնները, միաժամանակ ներկայացրել է բարեփոխումների հետագա փուլի վերաբերյալ տեսլականը, հակակոռուպցիոն ոլորտում իրականացվող քայլերը և հիմնական ուղղությունները։