Այժմ Հրաչյա Հարությունյանը պահվում է «Նուբարաշեն» ՔԿՀ-ում. հարցազրույց Վիգեն Քոչարյանի հետ

21/07/2017

Ռուսաստանում դատապարտված Հայաստանի քաղաքացի Հրաչյա Հարությունյանը հուլիսի 20-ին տեղափոխվել է Հայաստանի Հանրապետություն՝ «Դատապարտյալների փոխանցման մասին 1983թ. եվրոպական կոնվենցիայով սահմանված կարգով պատժի մնացած մասը Հայաստանում կրելու համար: Թե ի՞նչ ընթացակարգով է լուծվելու Հրաչյա Հարությունյանի պատժի հետագա կրումը Հայաստանում կազմակերպելու հարցը, ինչու այսքան ձգձգվեց նրա արտահանձնման գործընթացը, ո՞ր ՔԿՀ-ում է նա կրելու իր պատժիը եւ այլ  հարցերի շուրջ NEWS.am-ը զրուցել է ՀՀ արդարադատության նախարարի տեղակալ Վիգեն Քոչարյանի հետ:

Պարոն Քոչարյան, ինչո՞ւ այսքան ձգձգվեց Հրաչյա Հարությունյանին Հայաստան տեղափոխելու գործընթացը:

Հայաստանի Հանրապետության արդարադատության նախարարությունը անցած ժամանակաշրջանում հետեւողական աշխատանք է իրականացրել Ռուսաստանի Դաշնության մեր գործընկերների հետ «Դատապարտյալների փոխանցման մասին» 1983թ. կոնվենցիայով նախատեսված կարգով դատապարտյալի փոխանցման  խնդիրը լուծելու նպատակով։ 

Նշված միջազգային պայմանագիրը, որի շրջանակներում պետությունների միջեւ  իրականացվում է  դատապարտյալների փոխանցումը, հստակ ժամկետներ եւ ընդհանրապես փոխանցման պարտականություն չի նախատեսում։ Ավելին, նշեմ, որ Հայաստանի Հանրապետությունն իրավասու չէ միջամտել օտարերկրյա պետության ներպետական օրենսդրությամբ սահմանված գործընթացներին, որոնք ներառում են մի շարք ընթացակարգեր, այդ թվում եւ դատական: ՌԴ ներպետական օրենսդրության համաձայն դատապարտյալի փոխանցման մասին վերջնական որոշումը կայացնում է դատարանը:

 

Սկզբնաղբյուրը ՝ https://news.am/arm/news/401420.html