Ընտանեկան բռնությունների կանխարգելմանը վերաբերող օրենքում փոփոխություններ կատարելու առաջարկներ պատգամավորները չեն արել
14/12/2017
«Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրենքի առաջին ընդունումից հետո դրանում փոփոխություններ կատարելու մասին առաջարկ պատգամավորներից չի ստացվել, ՀՀ ԱԺ պետաիրավական հարցերով մշտական հանձնաժողովի նիստում ասաց ՀՀ արդարադատության փոխնախարար Վիգեն Քոչարյանը:
Թեև հանձնաժողովին առաջարկներ չէին ներկայացվել, բայց նիստին ներկա պատգամավորներն օրենքի վերաբերյալ իրենց հուզող հարցերը բարձրաձայնեցին: Մասնավորապես, ՀՀԿ-ական պատգամավոր Գևորգ Կոստանյանը նշեց, որ պետք է հստակ հասկանալ, թե ինչպես է կիրառվելու օրենքն ու ինչ հետևանքներ է ունենալու:
