Մրցույթ՝ դատական պաշտպանության ծառայությունների ձեռքբերման համար
11/05/2022
Իրավաբանական համայնքի հարգելի՛ ներկայացուցիչներ՝
Արդարադատության նախարարությունը, hավատարիմ մնալով Կառավարության որդեգրած թափանցիկ ու հաշվետու քաղաքականությանը, կարևորելով արդար մրցակցությունը, հրավիրում է ներգրավվելու դատական ատյաններում Հայաստանի Հանրապետության և Արդարադատության նախարարության շահերի պաշտպանությանը։
Կառավարության, նախարարության և այլ պետական մարմինների կողմից ընդունված ակտերի վիճարկման, հանրային ծառայության անցման կամ դադարեցման, Արդարադատության նախարարի լիազորության շրջանակներում դատավորի նկատմամբ կարգապահական վարույթի հարուցման և այլ ոլորտների հետ կապված դատական վեճերում Արդարադատության նախարարության կողմից պատշաճ ներկայացուցչություն ապահովելու նպատակով՝ հրավիրում ենք մասնակցելու իրավական խորհրդատվության և դատական ներկայացուցչության ծառայությունների ձեռքբերման համար հայտարարված մրցույթին։
Մրցույթին մասնակցելու պայմանները և պահանջները հրապարակված են armeps.am գնումների էլեկտրոնային համակարգում: Հայտերի ներկայացման վերջնաժամկետն է սույն թվականի մայիսի 31-ը՝ ժամը 11:00-ն:
Հայտերի ընդունման հղումը ներկայացնում ենք ստորև.
http://www.armeps.am/epps/cft/prepareViewCfTWS.do?resourceId=8294472
