Քրեակատարողական ծառայողները կարճատև տեսակցության եկած քաղաքացու մոտ հայտնաբերել են թմրանյութեր և հոգեներգործուն դեղահաբեր
07/06/2022
2022 թվականի հունիսի 6-ին՝ ժամը 16:00-ի սահմաններում, Արդարադատության նախարարության «Արմավիր» քրեակատարողական հիմնարկի անվտանգության ապահովման բաժնի ծառայողները, իրացնելով Քրեակատարողական ծառայության կենտրոնական մարմնի և հիմնարկի օպերատիվ բաժիններում ստացված տվյալները, խուզարկության են ենթարկել կալանավորված անձի մոտ կարճատև տեսակցության եկած քաղաքացուն: Խուզարկությամբ վերջինիս տաբատի գոտկատեղից հայտնաբերվել է թաքցված փաթեթ, որում առկա են եղել հաշիշ տեսակի թմրանյութին նմանվող, 2,50 և 1,65 գրամ քաշերով, դարչնագույն և մոխրագույն զանգվածներ, ինչպես նաև՝ 3 հատ «Buprenorphine» տեսակի հոգեներգործուն դեղահաբ: Փաստի առթիվ Արդարադատության նախարարության «Արմավիր» ՔԿՀ-ում հարուցվել է քրեական գործ: Հիշյալ քաղաքացին ձերբակալվել է:
