Ավելի քանի 15 նոր՝ միջազգային ստանդարտներին համապատասխան լաբորատոր սարքավորումներ. Նախարար Գրիգոր Մինասյանը շրջայց է կատարել «Փորձագիտական կենտրոն» ՊՈԱԿ-ում

05/06/2023

Արդարադատության նախարար Գրիգոր Մինասյանը և փոխնախարար Արա Մկրտչյանը՝ «Հայաստանի Հանրապետության փորձագիտական կենտրոն» ՊՈԱԿ-ի տնօրեն Դավիթ Ղուլյանի ուղեկցությամբ, շրջայց են կատարել կառույցի տարածքում, ծանոթացել Կենտրոնում վերջին մեկ տարում կատարված նկատելի բարեփոխումներին։
Նախարարին են ներկայացվել Կենտրոնի տասներեք բաժիններում իրականացվող փորձաքննությունները, ձեռք բերված նոր սարքավորումները, որոնց շնորհիվ կրճատվում է փորձաքննությունների ժամանակը, ապահովվում են ճշգրիտ արդյունքներ և բարձր արդյունավետություն:
Շրջայցի ընթացքում նախարարին են ներկայացվել նոր բացված հանդիպումների սենյակը, ձեռք բերված նոր սարքավորումները, դրանց հնարավորություններն ու առանձնահատկությունները։
Նախարար Գրիգոր Մինասյանն ու փոխնախարար Արա Մկրտչյանը ներկա են գտնվել նաև Սարյանի և Այվազովսկու բնօրինակ կտավների մշակութաբանական բացառիկ փորձաքննությանը։
2022 թվականից մեկնարկած նոր սարքավորումների ձեռքբերումը կրելու է շարունակական բնույթ: