Մարտական հրաձգության դասընթաց՝ Արդարադատության նախարարության աշխատակիցների համար

16/10/2023

Արդարադատության նախարարի տեղակալ Լևոն Բալյանի գլխավորությամբ և Պաշտպանության նախարարության աջակցությամբ` Արդարարադատության նախարարությունը կազմակերպել և անցկացրել է նախարարության աշխատակիցների համար մարտական հրաձգության դասընթաց:
Պաշտպանության նախարարության «N» զորավարժադաշտում անցկացված պարապմունքների ընթացքում աշխատակիցներին ներկայացվել է զենքի նյութական մասի, հրաձգության հիմունքների, ձևերի ու կանոնների, մարտի դաշտում հեռավորության որոշման կանոնները, ինչպես նաև ձեռքի նռնակների տեսակները, կառուցվածքը, նետման կանոները և այլն: Աշխատակիցները ինքնաձիգը քանդել-հավաքելու, ինքնաձիգից կրակելու, նռնակներ նետելու միջոցով ստացած գիտելիքները նաև գործանականում կիրառելու հնարավորություն են ունեցել:
Արդարադատության նախարարությունը, բարձր գնահատելով աշխատակիցների մարտական կարողությունների զարգացման և հայրենիքի պաշտպանությանը յուրքանչյուր անձի մասնկացության կարևորությունը, շարունակելու է պաշտպանության նախարարության հետ համագործակցել դասընթացների շարունակականությունն ապահովելու ուղղությամբ: