Մարտական հրաձգության դասընթաց՝ Արդարադատության նախարարության աշխատակիցների համար

28/06/2024

Արդարարադատության նախարարությունը կազմակերպել և անցկացրել է նախարարության աշխատակիցների համար մարտական հրաձգության դասընթաց: Պաշտպանության նախարարության «N» զորավարժադաշտում անցկացված պարապմունքների ընթացքում աշխատակիցներին ներկայացվել է զենքի նյութական մասը, հրաձգության հիմունքներն ու ձևերը, մարտի դաշտում հեռավորության որոշման, առաջին բուժօգնություն ցուցաբարելու կանոնները: Աշխատակիցները գործնականում կիրառել են ինքնաձիգը քանդել-հավաքելու, ինքնաձիգից կրակելու, նռնակներ նետելու միջոցով ստացած գիտելիքները։
Արդարադատության նախարարությունը, բարձր գնահատելով աշխատակիցների մարտական կարողությունների զարգացման կարևորությունը՝ շարունակելու է Պաշտպանության նախարարության հետ համագործակցել դասընթացների շարունակականությունն ապահովելու նպատակով: