Ուսանողներին են ներկայացվել Արդարադատության նախարարության կողմից իրականացվող բյուջետային ծրագրերը
08/04/2025
Արդարադատության նախարարության գլխավոր քարտուղարի տեղակալ Մարիամ Սարգսյանը և ֆինանսատնտեսագիտական վարչության պետ Զառա Մարգարյանը հանդիպել են «Իրավաբանների հայկական ասոցիացիա» ՀԿ-ի ներկայացուցիչների և ԲՈՒՀ-երի ուսանողների հետ։
Մարիամ Սարգսյանը ողջունել է ուսանողներին և բարձր է գնահատել այսօրինակ հանդիպումների անցկացումը, որոնք նպատակ ունեն ներկայացնել Արդարադատության նախարարության գործունեությունը՝ բյուջետային գործընթացներում: ՔՀԿ/ԶԼՄ-ների բյուջետային ուսումնական ծրագրի շրջանակներում ուսանողներին է ներկայացվել բյուջետային գործընթացն ու նախարարության կողմից իրականացվող ծրագրերը, դրա ներքո կատարվող առանձին միջոցառումները՝ անդրադառնալով նաև այդ միջոցառումների ծախսարդյունավետությանը: Հանդիպումն ավարտվել է հարց-պատասխանի ձևաչափով։
