Արդարադատության նախարարի տեղակալ Օկսաննա Աբրահամյանի նախաձեռնությամբ անցկացվել է «Արհեստական տեխնոլոգիաների ներածություն. Արհեստական բանականության կիրառումը պետական ոլորտում» խորագրով երկօրյա մասնագիտացված դասընթաց

22/07/2025

Արդարադատության նախարարի տեղակալ Օկսաննա Աբրահամյանի նախաձեռնությամբ անցկացվել է «Արհեստական տեխնոլոգիաների ներածություն. Արհեստական բանականության կիրառումը պետական ոլորտում» խորագրով երկօրյա մասնագիտացված դասընթաց, որին մասնակցել են նախարարության տարբեր ստորաբաժանումների աշխատակիցներ։ Երկօրյա դասընթացը վարել է «Yandex Armenia» ծրագրի ավագ փորձագետ Եվգենի Արզամասցևը, որը կիսվել է իր փորձով և ներկայացրել Արհեստական բանականության (ԱԲ) գործիքների ներդրման կարևորությունը:

Դասընթացի նպատակն էր աշխատակիցներին տրամադրել արհեստական բանականության տեխնոլոգիաների վերաբերյալ հիմնարար գիտելիքներ և գործնական հմտություններ, որոնք հետագայում կհեշտացնեն դրանց կիրառումը ոչ միայն ամենօրյա աշխատանքում, այլև կբարձրացնեն պետական կառավարման արդյունավետությունը։

Արհեստական բանականության կիրառման հմտություններին ծանոթանալը քայլ է դեպի ավելի նորարար և արդյունավետ պետական ծառայություն: ԱԲ-ի վերաբերյալ ձեռք բերված գիտելիքները աշխատակիցների համար կդառնան կարևոր ուղեցույց և հնարավորություն՝ մեկ քայլ առաջ կատարելու դեպի թվային դարաշրջան: