Հայ մշակույթը մեծ կորուստ կրեց
20/11/2012
Տաղանդաշատ երգչուհի Հայաստանի ժողովրդական արտիստ Ֆլորա Մարտիրոսյանի անժամանակ և անսպասելի մահը ցնցեց ու խորապես վշտացրեց բոլորին, նրա երգարվեստի երկրպագուներին: Նա դեռ շատ ասելիք ուներ, նրա կատարումներին սիրով և մեծ ակնկալիքով սպասում էին թե' Հայաստանում և թե' արտերկրում:
Ֆլորա Մարտիրոսյանը մշակույթի ասպարեզում մեծ և անգնահատելի ավանդ ուներ ոչ միայն իր փայլուն կատարումներով, այլ նաև հայ երգի տարածման, հայ երգը աշխարհին ներկայացնելու գործում:
Հայ ժողովրդի կրած կորուստը դաժան է ու անդառնալի:
Խորը վշտով ցավակցում եմ տաղանդավոր երգչուհու ընտանիքի անդամներին, հարազատներին, նրա երգարվեստի հազարավոր երկրպագուներին:
ՀՀ արդարադատության նախարար Հրայր Թովմասյան
