ՀՀ Արդարադատության նախարար Հրայր Թովմասյանի այցը` Ռուսաստանի Դաշնություն
04/06/2013
Հունիսի 5-ին ՀՀ արդարադատության նախարար Հ. Թովմասյանի գլխավորած պատվիրակությունը, ՌԴ արդարադատության նախարար Ա.Վ. Կոնովալովի հրավերով, աշխատանքային այցով կմեկնի Ռուսաստանի Դաշնության մայրաքաղաք՝ Մոսկվա: Պատվիրակության կազմում են ՀՀ արդարադատության նախարարի տեղակալներ Արամ Օրբելյանը և Եղիշե Կիրակոսյանը:
Հունիսի 6-ին ՀՀ արդարադատության նախարարը կհանդիպի ՌԴ արդարադատության նախարար Ա.Վ. Կոնովալովի, Գերագույն դատարանի և Գերագույն արբիտրաժային դատարանի նախագահների, Դաշնային նոտարական պալատի նախագահ Մ.Ի. Սազոնովայի, Պատիժների կատարման դաշնային ծառայության տնօրենի պաշտոնակատար Վ.Վ. Ծատուրովի, Դատական կարգադրիչների դաշնային ծառայության ղեկավար կազմի հետ:
Հանդիպումների ընթացքում կքննարկվեն դատական և իրավական համակարգերի բարեփոխումներին առնչվող հարցեր, կհստակեցվեն բարեփոխումների շրջանակում նախարարությունների միջև համագործակցության հիմնական ուղղությունները: Կքննարկվեն նաև միջազգային պայմանագրերի շրջանակներում ՀՀ և ՌԴ արդարադատության նախարարությունների միջև միջազգային-իրավական համագործակցության և տրամադրվող միջազգային իրավական օգնությանը վերաբերող հարցեր:
