Նախարարությունն անդրադառնում է Դիտորդների խմբի 3 հաշվետվությանը. Հետք
01/08/2013
Արդարադատության նախարարության (ԱՆ) քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդական խումբն օրերս հայտարարել էր, որ արդարադատության նախարարին ներկայացրել է 3 հրատապ հաշվետվություն, սակայն դրանցից եւ ոչ մեկին պատասխան չի տրվել:
Դիտորդների խումբը մտահոգություն էր հայտնել ԱՆ-ի դրսևորած վերաբերմունքի կապակցությամբ, քանի որ հաշվետվություններով «բարձրացվել էին հրատապ արձագանքման և լուծման ենթակա խնդիրներ»: Դիտորդները ԱՆ-ի նման գործելաոճը գնահատել էին որպես անգործություն և անտարբերություն:
«Հետք»-ի հարցմանն ի պատասխան՝ նախարարությունն անդրադարձել է նշված 3 հաշվետվություններին:
Առաջինը վերաբերվում էր «Դատապարտյալների հիվանդանոց» ՔԿՀ-ում գտնվող դատապարտյալ Հ.Տ.-ի առողջական վիճակին:
Նախարարությունը տեղեկացնում է, որ «քրեակատարողական վարչության պետը կրկին գրություն է ուղարկել առողջապահության նախարարին՝ դիմածնոտային ախտահարումներով տառապող կալանավորված անձանց և դատապարտյալների վիրահատական բուժումը պետության կողմից երաշխավորված անվճար բժշկական օգնության շրջանակներում կազմակերպելու համար»:
Երկրորդ հաշվետվությունը «Աբովյան» ՔԿՀ-ում գտնվող դատապարտյալ Ա.Գ.-ի առողջական վիճակի մասին է: Նա տառապում է ծանր հիվանդությամբ, որն անհամատեղելի է պատժի կրման հետ, եւ հաշվետվությամբ բարձրացվել էր դատապարտյալին անհապաղ պատժից ազատելու հարցը:
Արդարադատության նախարարությունը մանրամասնում է. «Քանի որ դատապարտյալ Ա. Գ-ն հիվանդությունըձեռք է բերել մինչև ազատազրկման դատապարտվելը, ապա, ուղղորդվելով ՀՀ քրեական դատավարությանօրենսգրքի 432-րդ հոդվածի 1-ին կետով՝ այն է «Այն դեպքում, եթե ազատազրկման դատապարտված անձըպատիժը կրելու ժամանակ հիվանդացել է խրոնիկ հոգեկան կամ այլ ծանր հիվանդությամբ, որն արգելք էհանդիսանում պատիժը կրելուն, դատարանը, քրեական պատիժն իրականացնող հիմնարկի վարչակազմիմիջնորդագրով, որը պետք է հիմնված լինի բժշկական հանձնաժողովի եզրակացության հիման վրա, իրավունք ունիորոշում կայացնել պատիժը հետագայում կրելուց նրան ազատելու մասին», բժշկական հանձնաժողովը չի կարողտալ եզրակացություն դատապարտյալին հիվանդության պատճառով պատժի հետագա կրումից ազատելուվերաբերյալ»:
Ամբողջական հոդվածը կարող եք կարդալ սկզբնաղբյուրից:
