Մարդու իրավունքները երեխաների աչքերով
21/02/2014
![](/storage/files/news/news_9297705274361_46196_1444375165798013_344128704_n.jpeg)
Փետրվարի 20-ին ՀՀ ԱՆ «Իրավախախտում կատարած անչափահասների հատուկ ստեղծագործական կենտրոն» ՊՈԱԿ-ում տեղի է ունեցել «Մարդու իրավունքները երեխաների աչքերով» խորագրով միջոցառումը, որին մասնակցել են քրեակատարողական հիմնարկներում պատիժ կրող դատապարտյալների երեխաները, կամավորներ և հասարակական կազմակերպության ներկայացուցիչներ:
Միջոցառման ընթացքում մասնակիցները նախ քննարկել են մարդու հիմնական իրավունքները, ապա կառուցել են իրավունքների ծառ՝ արտահայտելով երեխաների պատկերացմամբ մարդու հիմնական իրավունքները, ինչպես նաև ներկայացրել դրանց պաշտպանությանն ուղղված ներպետական և միջազգային կառույցները:
Միջոցառումը կազմակերպվել է «PH international» (Փի Էյչ Ինտերնեյշնլ) կազմակերպության հայկական մասնաճյուղի օժանդակությամբ կենտրոնի կողմից իրականացվող «Հավասար հնարավորություններ բոլոր երեխաներին» ծրագրի շրջանակում: Ծրագիրն ուղղված է քրեակատարողական հիմնարկներում պատիժ կրող դատապարտյալների երեխաների մշակութային և իրավական սոցիալականացմանը:
Նախատեսված է, որ մասնակիցները երեք ամիս շարունակ հաճախելու են կենտրոն մասնակցելու իրավական, սոցիալական և մշակութային զարգացման դասընթացներին և միջոցառումներին, այցելելու են նաև մշակութային կենտրոններ:
ՀՀ ԱՆ «Իրավախախտում կատարած անչափահաս հատուկ ստեղծագործական կենտրոն» ՊՈԱԿ