Պարգևատրումներ՝ Պետռեգիստրի գործունեության 20-ամյակի կապակցությամբ
01/04/2014
![](/storage/files/news/news_9635382183231_IMG_1528.jpeg)
ՀՀ արդարադատության նախարար Հրայր Թովմասյանը ապրիլի 1-ին ՀՀ ԱՆ իրավաբանական անձանց պետական ռեգիստրի գործակալության 20-ամյա գործունեության կապակցությամբ գործակալության վաստակաշատ աշխատակիցներին պարգևատրեց հուշամեդալով, պատվոգրերով ու շնորհակալագրերով:
Նախարարը շնորհավորեց ներկաներին կառույցի հոբելյանի առթիվ և նշեց, որ գործին հավատացող մարդիկ միշտ հասնում են իրենց նպատակին: «Այսօր այստեղ ներկա են մարդիկ, ովքեր կանգնած են եղել Գործակալության հիմնադրման ակունքներում: Շնորհակալություն եմ հայտնում ձեզ ձեր վաստակի, կառույցի կայացման գործում անգնահատելի ներդրում ունենելու համար»,- ասաց նախարարը՝ վստահեցնելով, որ նրանց սկսած ճանապարհը պատվով են շարունակելու:
ՀՀ արդարադատության նախարարության աշխատակազմի ղեկավար Կամո Ադամյանի հրամանով ՀՀ քաղաքացիական ծառայության դասային աստիճաններ շնորհվեցին Գործակալության մի շարք աշխատակիցների:
Հայաստանում 2011 թվականի ապրիլի 1-ից իրավաբանական անձանց պետական ռեգիստրի գործակալությունում գրանցումն ու հաշվառումն իրականացվում է «Մեկ պաուհան, մեկ կանգառ» սկզբունքով։ Համաշխարհային բանկի գնահատականներով՝ Հայաստանի Հանրապետությունը 189 պետությունների շարքում բիզնեսի ներդրման դյուրինության վարկանիշով գտնվում է 37-րդ, իսկ ընկերությունների գրանցման ոլորտում՝ 6-րդ տեղում։