Անչափահաս դատապարտյալները թատրոն են այցելել
27/05/2014
«Իրավախախտում կատարած անչափահասների հատուկ ստեղծագործական կենտրոն» ՊՈԱԿ-ի և «Մշակութային կրթության աջակցության» հիմնադրամի աջակցությամբ մայիսի 27-ին «Աբովյան» քրեակատարողական հիմնարկում պատիժ կրող անչափահաս դատապարտյալներն այցելեցին Երևանի պետական կամերային երաժշտական թատրոն՝ դիտելու «Սասունցի Դավիթ» ներկայացումը։
Միջոցառման նպատակն էր անչափահաս դատապարտյալներին հաղորդակից դարձնել մայրաքաղաքում տեղի ունեցող մշակութային անցուդարձին: Այն ուղղված է նրանց կրթական-դաստիարակչական աշխատանքների արդյունավետության բարձրացմանը, ինչպես նաև նպաստելու է անչափահաս դատապարտյալներին մեր հասարակության լիարժեք անդամներ դառնալուն և նրանց սոցիալիզացմանը:
Նման միջոցառումները շարունակական բնույթ են կրելու:
