Նախարարն ընդունել է ԵԽ երևանյան գրասենյակի ղեկավարին
29/05/2014
![](/storage/files/news/news_0137346317731_IMG_2880_1_.jpeg)
ՀՀ արդարադատության նախարար Հովհաննես Մանուկյանն այսօր ընդունել է Եվրոպայի Խորհրդի երևանյան գրասենյակի ղեկավար Օլեքսանդր Պավլուկին:
Գրասենյակի ղեկավարը բարձր է գնահատել Արդարադատության նախարարության հետ համագործակցությունը և հույս հայտնել, որ ապագայում ևս կշարունակվեն ձևավորված լավ ավանդույթները:
Նախարարը, կարևորելով դատաիրավական ոլորտում ԵԽ-ի հետ համագործակցությունը, շնորհակալություն է հայտնել հյուրին համատեղ աշխատանքի համար: Հանդիպման ավարտին կողմերը մի շարք ծրագրերի շուրջ համագործակցելու պայմանավորվածություն են ձեռք բերել, ինչը կնպաստի մարդու իրավունքների եվրոպական չափանիշների և արդարադատության առավել արդյունավետ համակարգի ներդրմանը:
Հանդիպմանը ներկա են եղել ՀՀ արդարադատության նախարարի տեղակալ Արման Թաթոյանն ու Եվրոպայի Խորհրդի երևանյան գրասենյակի ղեկավարի տեղակալ Նաիրա Ավետիսյանը: