|09.03.2011թ.| ՆԱԽԱՐԱՐՆ ԸՆԴՈՒՆԵԼ Է ԵԱՀԿ ԺՀՄԻԳ ՂԵԿԱՎԱՐԻՆ
10/03/2011
ՀՀ արդարադատության նախարար Հրայր Թովմասյանն այսօր ընդունել է ԵԱՀԿ ժողովրդավարական հաստատությունների և մարդու իրավունքների գրասենյակի (ԺՀՄԻԳ) ղեկավար, դեսպան Յանեշ Լենարչիչին, ԵԱՀԿ երևանյան գրասենյակի ղեկավար Սերգեյ Կապինոսին:
Հանդիպման ընթացքում նախարար Հրայր Թովմասյանը դեսպան Յանեշ Լենարչիչին ներկայացրեց ոլորտում առկա խնդիրներն ու դրանց լուծմանն ուղղված առաջիկա քայլերը: Անդրադարձ եղավ դատաիրավական բարեփոխումներին և մասնավորապես քրեական դատավարության նոր օրենսգրքի հայեցակարգին, որի քննարկումն, ի դեպ, ընդգկված է կառավարության մարտի 10 նիստի օրակարգում: Ինչպես ԵԱՀԿ ԺՀՄԻԳ-ի ղեկավար դեսպանին տեղեկացրեց արդարադատության նախարար Հրայր Թովմասյանը, հայեցակարգը մշակվել է հաշվի առնելով ԵԱՀԿ ԺՀՄԻԳ –ի առաջարկությունները, որոնք ներկայացվել էին Հայաստանում անցկացված դիտարկման արդյունքում:
Դատաիրավական ոլորտում խնդիրները բազմաշերտ են, սկսած օրենսդրությունից, մինչև դրանց գործնական կիրառումը, ասաց արդարադատության նախարարը, միևնույն ժամանակ հավելելով, որ կան նշված խնդիրների լուծման հստակ ճանապարհներ:
ԵԱՀԿ ԺՀՄԻԳ ղեկավար դեսպան Յանեշ Լենարչիչն առաջարկեց օրենսդրության բարեփոխման նախապատրաստական աշխատաքներում ներգրավել նաև Հայաստանի քաղաքացիական հասարակությանը: «Հայաստանում քաղաքացիական հասարակության զարգացած ակտիվ կա, որը կարող է էական աջակցություն ցուցաբերել:»
Դեսպանը ևս փորձագիտական աջակցություն ցուցաբերելու պատրաստակամություն հայտնեց:
Հետադարձ կապ
Հասցե` 0010 ք. Երևան, Վազգեն Սարգսյան փ. 3/8
Էլ. փոստ` info@moj.am
39065441@e-citizen.am (միայն www.e-citizen.am համակարգով ծանուցումների համար)
Հեռ՝ 85 00