|05.05.2008| ՆԱԽԱՐԱՐԻ ՇՆՈՐՀԱՎՈՐԱՆՔԸ ԴԱՏԱԿԱՆ ԱԿՏԵՐԻ ՀԱՐԿԱԴԻՐ ԿԱՏԱՐՄԱՆ ԾԱՌԱՅՈՂԻ ՕՐՎԱ ԱՌԹԻՎ

[b]Հարգելի գործընկերներ,[/b] Ի սրտե շնորհավորում եմ Ձեզ` Դատական ակտերի հարկադիր կատարման ծառայողի օրվա առթիվ և մաղթում ծառայողական նորանոր ձեռքբերումներ, աշխատանքային բարձր արդյունավետություն ու անձնական երջանկություն: Այս տոնը ձևավորվել է զուտ ավանդույթի ուժով, որի համար հիմք է հանդիսացել ուղիղ տաս տարի առաջ 1998թ. մայիսի 5-ին Հանրապետության Ազգային ժողովի կողմից «Դատական ակտերի հարկադիր կատարումն ապահովող ծառայության մասին» Հայաստանի Հանրապետության օրենքի ընդունումը: Մեր նախաձեռնությամբ ներկայումս Հայաստանի Հանրապետության կառավարության քննարկմանն է ներկայացվել համապատասխան որոշման նախագիծ, որի արդյունքում այս տոնը այսուհետ կունենա նաև իրավական հիմք, այն պաշտոնապես կհամարվի Դատական ակտերի հարկադիր կատարման ծառայողի օր: Իմ շնորհավորանքներն ու միաժամանակ շնորհակալությունն եմ ցանկանում հայտնել այն մարդկանց, որոնք հիրավի անուրանալի դեր ունեն այս կառուցի կայացման գործում: Բոլորս երախտագիտության զգացում ունենք, հատկապես Հայաստանի Հանրապետության արդարադատության նախկին նախարար, պարոն Դավիթ Հարությունյանի և այս ծառայության առաջին ղեկավար պարոն Անատոլի Ավագյանի նկատմամբ: Ձեր հետ միասին այդ մարդկանց հաջողվել է դատական կատարածուի նախկին, ակնհայտ անարդյունավետ ու դատական իշխանության անկախության սկզբունքին ոչ հարիր ինստիտուտը վերածել արդի չափանիշներին համապատասխան ու կազմակերպված համակարգի:Նույն զգացումով վերաբերվում ենք այդ խիստ կարևոր գործը շարունակողների` պարոնայք Արկադյա Բալայանին և Գագիկ Այվազյանին: Իսկ Գագիկ Այվազյանից ակնալում ենք ոչ միայն ձևավորված լավագույն ավանդույթների պահպանում, այլև հիմնավորված բարեփոխումների իրականացում: