04/09/2018
«Երևան» նոտարական տարածքի նոտար Նոննա Քամալյանի ժամանակավոր բացակայության ընթացքում նրա լիազորությունները «Երևան» նոտարական տարածքի նոտար Մարինե Սարգսյանին վերապահելու մասին ՀՀ արդարադատության նախարարի 2018 թվականի օգոստոսի 31-ի N 469-Ա հրաման
Ղեկավարվելով «Նոտարիատի մասին» Հայաստանի Հանրապետության օրենքի 18-րդ հոդվածի 1-ին մասով և 22-րդ հոդվածի 4-րդ մասով, ինչպես նաև հիմք ընդունելով Հայաստանի Հանրապետության նոտարական պալատի նախագահ Վ. Հովսեփյանի 2018 թվականի օգոստոսի 29-ի N ԵՆՊ-628/18 գրությունը և «Երևան» նոտարական տարածքի նոտար Ն. Քամալյանի դիմումը.
Հ Ր Ա Մ Ա Յ Ո Ւ Մ Ե Մ՝
1. 2018 թվականի սեպտեմբերի 3-24-ը ներառյալ «Երևան» նոտարական տարածքի (նստավայր՝ «Էրեբունի 1») նոտար Նոննա Քամալյանի ժամանակավոր բացակայության ընթացքում նրա կողմից «Նոտարիատի մասին» Հայաստանի Հանրապետության օրենքի 55-56-րդ և 58-63-րդ հոդվածներով նախատեսված նոտարական գործողություններ կատարելու, ինչպես նաև վավերացված գործարքներում փոփոխություններ կամ լրացումներ կատարելու կամ դրանք վաղակետ լուծելու լիազորությունները վերապահել «Երևան» նոտարական տարածքի (նստավայր՝ «Էրեբունի 2») նոտար Մարինե Սարգսյանին:
ԱՐՏԱԿ ԶԵՅՆԱԼՅԱՆ
