Արդարադատության նախարարի N 173-Լ հրաման

Հ Ր Ա Մ Ա Ն   N 173-Լ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ

«31» ՄԱՐՏԻ 2023 Թ.                                                         ՔԱՂ. ԵՐԵՎԱՆ

ՀԱՐԿԱԴԻՐ ԿԱՏԱՐՈՒՄՆ ԱՊԱՀՈՎՈՂ ԾԱՌԱՅՈՒԹՅՈՒՆՈՒՄ  ԿԱՌՈՒՑՎԱԾՔԱՅԻՆ ՍՏՈՐԱԲԱԺԱՆՈՒՄՆԵՐ ՍՏԵՂԾԵԼՈՒ ԵՎ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 2021 ԹՎԱԿԱՆԻ ԱՊՐԻԼԻ 12-Ի N 140-Լ ՀՐԱՄԱՆՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Հարկադիր կատարումն ապահովող ծառայության մասին» օրենքի 2-րդ հոդվածի 4-րդ մասի 7-րդ պարբերությամբ և «Նորմատիվ իրավական ակտերի մասին» օրենքի 33-րդ հոդվածով և հիմք ընդունելով արդարադատության նախարարի 2023 թվականի մարտի 31-ի N 172-L հրամանը, ինչպես նաև Գլխավոր հարկադիր կատարող  Ա. Մնացականյանի 2023 թվականի մարտի 30-ի Ն/08.3/7704-2023 գրությամբ ներկայացված առաջարկությունը.

Հ Ր Ա Մ Ա Յ Ո Ւ Մ   Ե Մ՝

1. Հարկադիր կատարումն ապահովող ծառայության կենտրոնական մարմնում ստեղծել`

• Կատարողական վարույթների իրավական ուղեկցման բաժին՝ 6 (վեց) հաստիքային միավորով.

• Հերթապահության և առգրավված գույքի պահպանության բաժին՝ 6 (վեց) հաստիքային միավորով:

2. Հարկադիր կատարումն ապահովող ծառայության Կենտրոնական մարմնի Հատկապես կարևոր վարույթների և օպերատիվ բաժինը անվանափոխել Ապօրինի ծագում ունեցող գույքի բռնագանձման և հատուկ նշանակության բաժին:

3. Արդարադատության նախարարի 2022 թվականի դեկտեմբերի 30-ի N 798-Լ հրամանի N 1 հավելվածում՝ կատարել հետևյալ փոփոխությունը և լրացումները.

1) Կենտրոնական մարմնի բաժիններ սյունակի՝

ա. 4-րդ կետից հետո լրացնել 4.1-ին կետ հետևյալ բովանդակությամբ.

«4.1 Կատարողական վարույթների իրավական ուղեկցման բաժին»,

բ. 5-րդ կետում «Հատկապես կարևոր վարույթների և օպերատիվ բաժին» բառերը փոխարինել «Ապօրինի ծագում ունեցող գույքի բռնագանձման և հատուկ նշանակության բաժին» բառերով,

գ. 7-րդ կետից հետո լրացնել 7.1-ին կետ հետևյալ բովանդակությամբ.

«7.1 Հերթապահության և առգրավված գույքի պահպանության բաժին»:

ԳՐԻԳՐՈՐ ՄԻՆԱՍՅԱՆ