20/10/2023

Հայաստանի Հանրապետության Քրեակատարողական և Պրոբացիայի ոլորտի 2024-2026 թվականների գործունեության հիմնական ուղղությունները և դրանց իրականացման ժամանակացույցը սահմանելու մասին ՀՀ արդարադատության նախարարի N 627-Լ հրաման

Հ Ր Ա Մ Ա Ն   N 627-Լ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ

«20» ՀՈԿՏԵՄԲԵՐԻ 2023 Թ. ՔԱՂ. ԵՐԵՎԱՆ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՏԱՐՈՂԱԿԱՆ ԵՎ ՊՐՈԲԱՑԻԱՅԻ ՈԼՈՐՏԻ 2024-2026 ԹՎԱԿԱՆՆԵՐԻ ԳՈՐԾՈՒՆԵՈՒԹՅԱՆ ՀԻՄՆԱԿԱՆ ՈՒՂՂՈՒԹՅՈՒՆՆԵՐԸ ԵՎ ԴՐԱՆՑ ԻՐԱԿԱՆԱՑՄԱՆ ԺԱՄԱՆԱԿԱՑՈՒՅՑԸ ՍԱՀՄԱՆԵԼՈՒ ՄԱՍԻՆ

 

Ղեկավարվելով «Կառավարչական իրավահարաբերությունների կարգավորման մասին» օրենքի 9-րդ հոդվածի 1-ին մասի 3-րդ կետով, «Քրեակատարողական ծառայության մասին» ՀՕ-160-Ն օրենքի 25-րդ հոդվածի 2-րդ մասի 2-րդ կետով և «Պրոբացիայի մասին» ՀՕ-48-Ն օրենքի 54-րդ հոդվածի 2-րդ մասի 2-րդ կետով.

 

Հ Ր Ա Մ Ա Յ Ո Ւ Մ   Ե Մ՝

  1. Սահմանել Հայաստանի Հանրապետության քրեակատարողական և պրոբացիայի ոլորտի 2024-2026 թվականների հիմնական ուղղությունները՝ համաձայն N 1 հավելվածի:
  2. Սահմանել Հայաստանի Հանրապետության քրեակատարողական և պրոբացիայի ոլորտի 2024-2026 թվականների հիմնական ուղղությունների իրականացման ժամանակացույցը՝ համաձայն N 2 հավելվածի:
  3. Սույն հրամանով հաստատված ժամանակացույցով, նախորդ եռամսյակում նախատեսված միջոցառումների կատարման վերաբերյալ ներկայացնել հաշվետվություն՝ ոչ ուշ, քան հաջորդող ամսվա 10-ը:
  4. Սույն հրամանի կատարման վերահսկողությունը վերապահել ոլորտները համակարգող Արդարադատության նախարարի համապատասխան տեղակալին:
  5. Սույն հրամանն ուժի մեջ է մտնում 2024 թվականի հունվարի 1-ից։

 

ԳՐԻԳՈՐ ՄԻՆԱՍՅԱՆ