Արդարադատության նախարարի N 749-Ա հրաման

Հ Ր Ա Մ Ա Ն   N 749-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ

«12» ԴԵԿՏԵՄԲԵՐԻ 2023 Թ.                                             ՔԱՂ. ԵՐԵՎԱՆ

ԱՐՏՈՆԱԳՐՎԱԾ ՀԱՇՏԱՐԱՐՆԵՐԻ ՎԵՐԱՊԱՏՐԱՍՏՈՒՄՆԵՐԻ ԱՐԴՅՈՒՆՔՆԵՐՆ ԱՐՁԱՆԱԳՐԵԼՈՒ ՄԱՍԻՆ

Ղեկավարվելով «Հաշտարարության մասին» օրենքում փոփոխություններ և լրացումներ կատարելու մասին» 2022 թվականի նոյեմբերի 16-ի թիվ ՀՕ-435-Ն օրենքի 24-րդ հոդվածի 5-րդ և 7-րդ մասերով, ինչպես նաև հիմք ընդունելով Արդարադատության նախարարի 2023 թվականի հունիսի 22-ի N 332-Ն հրամանի 3-րդ կետը և Հայաստանի Հանրապետության վարչապետի 2018 թվականի հունիսի 11-ի N 704-Լ որոշմամբ հաստատված հավելվածի 18-րդ կետի 20-րդ ենթակետը.

Հ Ր Ա Մ Ա Յ Ո Ւ Մ   Ե Մ՝

1. Արձանագրել, որ մինչև ««Հաշտարարության մասին» օրենքում փոփոխություններ և լրացումներ կատարելու մասին» 2022 թվականի նոյեմբերի 16-ի թիվ ՀՕ-435-Ն օրենքն ուժի մեջ մտնելը արտոնագրված, սակայն նույն օրենքի 24-րդ հոդվածի 5-րդ մասի համաձայն և Արդարադատության նախարարի 2023 թվականի հունիսի 22-ի N 332-Ն հրամանի 3-րդ կետով սահմանված կարգով վերապատրաստումներին մասնակցելու դիմում չներկայացրած, ինչպես նաև վերապատրաստումներին մասնակցած, սակայն մասնակցության 80%-ը չապահոված հաշտարարների որակավորումը նույն օրենքի 24-րդ հոդվածի 7-րդ մասի համաձայն համարվում է դադարած:

2. Սահմանել սույն հրամանի 1-ին կետով նախատեսված անձանց ցանկը համաձայն Հավելվածի:

                                                                                                               ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐՈՂ՝

ԼԵՎՈՆ ԲԱԼՅԱՆ