Արդարադատության նախարարի N 769-Լ հրաման

Հ Ր Ա Մ Ա Ն N 769-Լ

ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 2023 ԹՎԱԿԱՆԻ ՆՈՅԵՄԲԵՐԻ 13-Ի N 667-Լ ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով.

Հ Ր Ա Մ Ա Յ ՈՒ Մ  Ե Մ՝

1. Արդարադատության նախարարի 2023 թվականի նոյեմբերի 13-ի «Քրեակատարողական ծառայողների, պրոբացիայի ծառայողների և հարկադիր կատարողների վերապատրաստման կարգը սահմանելու մասին, ինչպես նաև արդարադատության նախարարի 2023 թվականի օգոստոսի 21-ի N 499-Լ հրամանն ուժը կորցրած ճանաչելու մասին» N 667-Լ հրամանում (այսուհետ՝ Հրաման) կատարել հետևյալ փոփոխությունները.

        1) Հրամանով հաստատված N 1 հավելվածի 21-րդ կետի 2-րդ ենթակետից հանել «Ժամանակացույցում ներառված խմբերը պետք է կազմվեն առնվազն 25 Ծառայողից, որպեսզի հնարավոր լինի ապահովել վերապատրաստման դասընթացների արդյունավետությունը:» նախադասությունը,

2) Հրամանով հաստատված N 2 հավելվածի 21-րդ կետի 2-րդ ենթակետից հանել «Ժամանակացույցում ներառված խմբերը պետք է կազմվեն առնվազն 20 Ծառայողից, որպեսզի հնարավոր լինի ապահովել վերապատրաստման դասընթացների արդյունավետությունը:» նախադասությունը,

3) Հրամանով հաստատված N 3 հավելվածի 21-րդ կետի 2-րդ ենթակետից հանել «Ժամանակացույցում ներառված խմբերը պետք է կազմվեն առնվազն 20 Ծառայողից, որպեսզի հնարավոր լինի ապահովել վերապատրաստման դասընթացների արդյունավետությունը:» նախադասությունը:

2. Սույն հրամանն ուժի մեջ է մտնում հրապարակմանը հաջորդող օրվանից:

                                                                                                                   Պարտականությունները կատարող՝

ՏԻԳՐԱՆ ԴԱԴՈՒՆՑ