1. 1.         ՆԿԱՐԱԳՐՈՒԹՅՈՒՆԸ

1.1.     Նպատակները

Գործողության ընդհանուր նպատակը Հայաստանում մարդու իրավունքների պաշտպանությանն աջակցելն է:

Հատուկ նպատակները՝

1)   Մարդու իրավունքների պաշտպանության բարելավում ազատ ընտրությունների իրավունքի, խոշտանգումների կանխարգելման, խտրականության դեմ (այդ թվում՝ փոքրամասնությունների, հաշմանդամություն ունեցող անձանց, փախստականների եւ այլ խոցելի խմբերի նկատմամբ) պայքարի, կանանց և տղամարդկանց իրավահավասարության և երեխաների պաշտպանության բնագավառներում համապատասխան օրենսդրության ներդրման և իրականացման միջոցով.

2)  Մարդու իրավունքների բնագավառում համակարգման ու համագործակցության բարելավում եւ համապատասխան շահագրգիռ կողմերի կարողությունների ընդլայնում:

Փոխկապակցված հարցեր` գործողության իրականացման ընթացքում հատուկ ուշադրություն կդարձվի փոխկապակցված հարցերին` ժողովրդավարությանն ու մարդու իրավունքներին, կանանց և տղամարդկանց իրավահավասարությանը, երեխայի իրավունքների պաշտպանությանը, որոնք գործողության առանցքային ոլորտներն են: Բոլոր ջանքերը կներդրվեն` ապահովելու գործողության կայունությունը:

1.2   Ակնկալվող արդյունքները

1.   Բարելավել մարդու իրավունքների պաշտպանությունն ազատ եւ արդար ընտրությունների իրավունքի, խոշտանգումների կանխարգելման, խտրականության դեմ (այդ թվում՝ փոքրամասնությունների, հաշմանդամություն ունեցող անձանց, փախստականների եւ այլ խոցելի խմբերի նկատմամբ) պայքարի, կանանց և տղամարդկանց իրավահավասարության եւ երեխաների պաշտպանության բնագավառներում համապատասխան օրենսդրության ներդրման եւ իրականացման միջոցով.

1. Ընտրական համակարգի բարելավում՝ Եվրոպայի խորհրդի (ԵԽ) եւ Եվրոպայում անվտանգության եւ համագործակցության կազմակերպության (ԵԱՀԿ) Ժողովրդավարական հաստատությունների եւ մարդու իրավունքների գրասենյակի հանձնարարականներին համապատասխան (ԺՀՄԻԳ).
2. Խոշտանգումների կանխարգելման բնագավառում առաջընթացի ապահովում իրավական, քննչական եւ իրավակիրառ ոլորտներում բարեփոխումների միջոցով.
3. Փոքրամասնությունների պատկանող անձանց, հաշմանդամություն ունեցող անձանց, փախստականների եւ այլ խոցելի խմբերի առավել արդյունավետ պաշտպանություն խտրականությունից.
4. Կանանց և տղամարդկանց իրավահավասարության ապահովման գործուն մեխանիզմներ եւ ընտանեկան/կանանց և տղամարդկանց իրավահավասարության հիմքով բռնության եւ ոտնձգության զոհ դարձած անձանց պաշտպանություն.
5. Երեխայի պաշտպանության բարելավված համակարգ՝ ներառյալ երեխաների ապաինստիտուցիոնալացումը:
6. 2.     Բարելավել մարդու իրավունքների բնագավառում համակարգումն ու համագործակցությունը եւ ընդլայնել համապատասխան շահագրգիռ կողմերի կարողությունները.
   1. Մարդու իրավունքների պաշտպանության գործողությունների ծրագրի եւ մարդու իրավունքների միջազգային հանձնառությունների իրականացման ու տարեկան վերանայման հարցում Արդարադատության նախարարության՝ համակարգման դերի ու կարողությունների արդյունավետության ապահովում.
   2. Մարդու իրավունքների պաշտպանության գործողությունների ծրագրի դրույթների իրականացման հարցում Միջգերատեսչական հանձնաժողովի՝ մոնիթորինգի մեխանիզմների եւ մոնիթորինգի կարողությունների արդյունավետության ապահովում.
   3. Մարդու իրավունքների պաշտպանի գրասենյակի կարողությունների ամրապնդում՝ մարդու իրավունքների ոլորտում կրթության մոնիթորինգի եւ առաջարկություններ ներկայացնելու, ինչպես նաեւ փոքրամասնություններին, հաշմանդամություն ունեցող անձանց, փախստականներին ու այլ խոցելի խմբերին առնչվող հարցերին անդրադառնալու եւ պետական կառույցների հետ համագործակցության մասով.
   4. Աշխատանքի եւ սոցիալական հարցերի նախարարության կարողությունների ամրապնդում՝ երեխայի իրավունքների, կանանց և տղամարդկանց իրավահավասարության, հաշմանդամություն ունեցող անձանց իրավունքների պաշտպանության եւ խթանման մասով.
   5. Վարչապետին կից կանանց խորհրդի՝ որպես Ազգային կանանց և տղամարդկանց իրավահավասարության մեխանիզմի կարողությունների ամրապնդում.
   6. Մարդու իրավունքների բնագավառում իրավապահ կառույցների կարողությունների ամրապնդում քննության իրականացումն ու իրավակիրառ տեխնիկան բարելավելու եւ համապատասխան ուսուցման /վերապատրաստման միջոցով.
   7. Ազգային ժողովի Մարդու իրավունքների պաշտպանության եւ հանրային hարցերի մշտական հանձնաժողովի կարողությունների ամրապնդում.

viii.  Արտաքին գործերի նախարարության կարողությունների ամրապնդում:

1.3.  Հիմնական գործողությունները

Բյուջետային աջակցության փաթեթի իրականացման հիմնական գործողություններն են քաղաքականության մասով երկխոսությունը, ֆինանսական փոխանցումները, կատարողականի գնահատումը, հաշվետվությունը եւ կարողությունների զարգացումը:

1.3.1   Բյուջետային աջակցությունը

Պայմանների եւ կառավարության բարեփոխումների առաջնահերթությունների շուրջ երկխոսություններում ներգրավում, պայմանների վերստուգում եւ բյուջետային աջակցության վճարում:

1.3.2    Լրացուցիչ աջակցությունը

Լրացուցիչ աջակցությունը կվերաբերի հորիզոնական մակարդակում մարդու իրավունքների պաշտպանության բնագավառի ընդլայնված համակարգման ու համագործակցության կարիքներին` Մարդու իրավունքների գործողությունների ծրագրի կատարողական ցուցանիշների եւ թիրախների տարեկան վերանայման ու իրականացման, ինչպես նաեւ դոնորների համակարգման գործընթացում Արդարադատության նախարարությանն աջակցելու միջոցով: Դրա միջոցով նաեւ կապահովվի աջակցություն Միջգերատեսչական հանձնաժողովի արդյունավետ մոնիթորինգի մեխանիզմներին եւ կարողություններին՝ Մարդու իրավունքների պաշտպանության գործողությունների ծրագրի դրույթների իրականացման համար: Այս համատեքստում կապահովվի աջակցություն՝ բոլոր պատասխանատու մարմինների հաշվետվողականության մեխանիզմներին եւ փաստաթղթաշրջանառությանը:

Նախատեսվում է նաեւ շահագրգիռ այլ գերատեսչությունների կարողությունների զարգացում՝ ընդգրկելով Մարդու իրավունքների պաշտպանի գրասենյակը (մարդու իրավունքների ուսուցման խթանումը, փոքրամասնություններին, հաշմանդամություն ունեցող անձանց, փախստականներին եւ այլ խոցելի խմբերին մտահոգող խնդիրները վկայակոչելը), Աշխատանքի եւ սոցիալական հարցերի նախարարությունը (երեխաների իրավունքների, կանանց և տղամարդկանց իրավահավասարության, հաշմանդամություն ունեցող անձանց իրավունքների պաշտպանության բնագավառներում Գործողությունների ծրագրի իրականացումը), Վարչապետին կից Կանանց խորհուրդը (Ազգային կանանց և տղամարդկանց իրավահավասարության մեխանիզմ), իրավապահ կառույցները (բարելավված տեղեկացվածություն, քննության եւ կատարման տեխնիկաներ), եւ Ազգային ժողովի Մարդու իրավունքների պաշտպանության եւ հանրային hարցերի մշտական հանձնաժողովը (ընդհանուր կարողությունների զարգացում եւ վերահսկողության աջակցություն): Լրացուցիչ աջակցությունը կտրամադրվի նաեւ համապատասխան ոլորտներում բարեփոխումների վերաբերյալ իրազեկվածության բարձրացման գործընթացում:

1. 2.        ԻՐԱԿԱՆԱՑՈՒՄԸ

2.1   Ինդիկատիվ գործառնական իրականացման ժամկետը

Այս գործողության ինդիկատիվ գործառնական իրականացման ժամկետը նշված է Հատուկ պայմանների 2-րդ հոդվածում:

2.2   Բյուջետային աջակցության համար հատկացված գումարները.

SSF 2014-2017թթ. ծրագրի իրականացման համար երկկողմ հատկացումների համաձայն մարդու իրավունքների պաշտպանության ոլորտին հատկացված ընդհանուր գումարը տատանվում է 21.3-23.3 միլիոն եվրոյի սահմաններում (ըստ գնահատվածի՝ ընդհանուր փաթեթի մոտ 13.7-15.2 տոկոսը), որից բյուջետային աջակցության ներկայիս ծրագրով հատկացված գումարը կազմում է 12 միլիոն եվրո, որը SSF-ի համաձայն ֆինանսավորվում է կարողությունների զարգացման նպատակով հատկացվող լրացուցիչ աջակցության փաթեթից: Հայաստանում մարդու իրավունքների պաշտպանության ոլորտին հետագա աջակցությունը կտրամադրվի այս գործողությունը փոխլրացնող SSF ծրագրի՝ Արդարադատության ոլորտին առնչվող բարեփոխումների առաջնահերթությամբ:

2.3       Բյուջետային աջակցության տրամադրման չափանիշներն ու ինդիկատիվ ժամանակացույցը

2.3.1  Բյուջետային աջակցության մանրամասները

Բյուջետային աջակցությունը տրամադրվում է մեկ ֆիքսված եւ երեք փոփոխական տրանշերով: Բյուջետային աջակցությունը տրամադրվում է որպես ուղղակի բյուջետային չհասցեագրված աջակցություն՝ ազգային գանձապետարանին: Հայկական դրամով հատկացված՝ եվրոյով տրանսֆերտների կրեդիտավորումը կիրականացվի համապատասխան փոխարժեքներով` Հատուկ պայմանների 6-րդ հոդվածին համապատասխան:

2.3.2  Հատկացումների տրամադրման չափանիշները

Բոլոր տրանշերի տրամադրման Ընդհանուր պայմանները հետեւյալն են` Մարդու իրավունքների պաշտպանության եւ դրան առնչվող գործողությունների ծրագրի ազգային ռազմավարության իրականացման գործընթացում բավարար առաջընթաց եւ դրան համապատասխան` կայուն վարկունակություն. կայունության վրա հիմնված վստահելի մակրոտնտեսական քաղաքականության իրականացում. PFM բարեփոխումների ծրագրի իրականացման գործընթացում բավարար առաջընթաց. բյուջեին առնչվող արժանահավատ եւ համապարփակ տեղեկատվությունը հանրությանը ժամանակին հասանելի դարձնելու գործընթացում բավարար առաջընթաց: Հիմնարար արժեքների էական վատթարացման պարագայում բյուջետային աջակցության հատկացումները կարող են պաշտոնապես կասեցվել՝ ֆինանսավորման համաձայնագրի Ընդհանուր պայմանների 27.1-րդ հոդվածին համապատասխան, կամ ժամանակավորապես կասեցվել կամ նվազեցվել:

Հատուկ պայմանները կվերաբերեն Եվրոպայի խորհրդի (ԵԽ) եւ Եվրոպայի անվտանգության եւ համագործակցության կազմակերպության (ԵԱՀԿ)/ Ժողովրդավարական հաստատությունների եւ մարդու իրավունքների գրասենյակի (ԺՀՄԻԳ) հանձնարարականներին համապատասխան բարելավված ընտրական համակարգին, խոշտանգումների կանխարգելման գործընթացում արձանագրված առաջընթացին, խտրականությունից փոքրամասնությունների պատկանող անձանց, հաշմանդամություն ունեցող անձանց, փախստականների եւ այլ խոցելի խմբերի առավել արդյունավետ պաշտպանությանը, կանանց և տղամարդկանց իրավահավասարության ապահովման գործուն մեխանիզմներին եւ ընտանեկան/ կանանց և տղամարդկանց իրավահավասարության հիմքով բռնության եւ ոտնձգության զոհ դարձած անձանց պաշտպանությանը եւ երեխայի պաշտպանության բարելավված համակարգին՝ ներառյալ երեխաներից հաստատությունների բեռնաթափումը:

 Հատկացումների ինդիկատիվ ժամանակացույցը ամփոփված է ներքոնշյալ աղյուսակում` (բոլոր թվերը՝ միլիոն եվրոյով)՝ գործընկեր երկրի ֆինանսական տարվա հիման վրա:

Հատկացումների վերաբերյալ պայմանավորվածությունները եւ ժամանակացույցը ներկայացված են սույն համաձայնագրի 2-րդ հավելվածում։

Հատկացումների կատարման համար կիրառվող կատարողականի ցուցանիշները ներկայացված են սույն համաձայնագրի 1-ին հավելվածում: Որոշ ցուցանիշներ գերազանցում են Հայաստանին առնչվող Մարդու իրավունքների գործողությունների ներկայիս ծրագրում սահմանված ցուցանիշները, սակայն համահունչ են Հայաստանի Եվրոպական հարեւանության քաղաքականության (ԵՀՔ) գործողությունների ծրագրին եւ Արտոնությունների ընդհանրացված համակարգի (GSP+)՝ մարդու իրավունքների վերաբերյալ հանձնառություններին: 1-ին հավելվածում սահմանված ընտրված կատարողական թիրախները եւ ցուցանիշները կկիրառվեն ծրագրի ամբողջ տեւողության ընթացքում: Այնուհանդերձ, պատշաճ կերպով հիմնավորված դեպքերում, Հայաստանի կառավարությունը կարող է դիմել Հանձնաժողովին՝ թիրախների եւ ցուցանիշների փոփոխման խնդրանքով: Թիրախների եւ ցուցանիշների վերաբերյալ Հանձնաժողովի կողմից համաձայնեցված փոփոխությունները կարող են թույլատրվել երկու կողմերի միջեւ գրությունների փոխանակման միջոցով:

2.4     Լրացուցիչ աջակցության վերաբերյալ մանրամասներ

2.4.2    Դրամաշնորհ` ուղղակի տրամադրում (Հանձնաժողովի` որպես պայմանավորվող կողմի կողմից իրականացվող ուղղակի կառավարում)  

ա) Դրամաշնորհի նպատակները, միջամտության ոլորտները, տարվա առաջնահերթությունները եւ ակնկալվող արդյունքները

Այս գործողության մի մասը, նպատակ ունենալով համապատասխան ոլորտներում ուժեղացնել համակարգումը եւ կարողությունների զարգացումը, կարող է իրականացվել ՄԱԿ-ի Զարգացման ծրագրի (ՄԱԶԾ) կողմից ուղղակի դրամաշնորհի տրամադրման միջոցով: Կազմակերպությունը կաջակցի հավելյալ գործողություններին, այն է` 1.3 բաժնում թվարկված մարդու իրավունքների համապատասխան ոլորտներում համակարգմանը եւ կարողությունների զարգացմանը վերաբերող առաջադրանքների իրականացմանը:

բ) Ուղղակի դրամաշնորհի հիմնավորում

Հանձնաժողովի լիազոր պատասխանատու պաշտոնյայի պատասխանատվության ներքո` դրամաշնորհը կարող է տրամադրվել առանց ՄԱԶԾ-ին առաջարկ ներկայացնելու հայտարարության:

Հանձնաժողովի լիազոր պատասխանատու պաշտոնյայի պատասխանատվության ներքո, դրամաշնորհի տրամադրումն առանց հայտամրցույթի հիմնավորված է, քանի որ գործողությունն ունի մարդու իրավունքների բնութագրեր, որոնք պահանջում են նշված կազմակերպության կողմից ցուցաբերված հատուկ գիտելիքներ եւ տեխնիկական իրավասություններ, ինչպես նաեւ բավարար վարչական կարողություններ:

գ) Ընդունելիության պայմաններ` կիրառելի չեն:

դ) Ընտրության եւ տրամադրման հիմնական չափանիշներ

Ընտրության հիմնական չափանիշներն են` դիմողի ֆինանսական եւ գործառական կարողությունները:

Շնորհման հիմնական չափանիշներն են` առաջարկվող գործողությունների համապատասխանությունը ծրագրի նպատակներին` ծրագրի նախագծում, արդյունավետություն, իրագործելիություն, կայունություն եւ ծախսարդյունավետություն:

ե) Համաֆինանսավորման առավելագույն սահմանը

Այս դրամաշնորհի հնարավոր առավելագույն սահմանն այս ծրագրի թույլատրելի ծախսերի 80 տոկոսն է:

Համաֆինանսավորման հնարավոր առավելագույն սահմանը կարող է մինչեւ 100 տոկոս լինել՝ համաձայն թիվ 966/2012 կանոնակարգի (ԵՄ, Եվրատոմ) 192-րդ հոդվածի, եթե ամբողջական ֆինանսավորումն էական է ծրագրի իրականացման համար: Ֆինանսավորման էական լինելը կհիմնավորվի դրամաշնորհի որոշման համար Հանձնաժողովի լիազոր պատասխանատու պաշտոնյայի կողմից` հավասար վերաբերմունքի եւ ռացիոնալ ֆինանսական կառավարման սկզբունքներին համապատասխան:

զ) Պոտենցիալ ուղղակի դրամաշնորհի շահառուին դիմելու ինդիկատիվ եռամսյակ.

2016-ի առաջին եռամսյակ:

2.4.3. Գնումների գործընթաց (Հանձնաժողովի` որպես պայմանավորվող կողմի կողմից իրականացվող ուղղակի կառավարում)

2.4.4 Գնումների եւ դրամաշնորհների աշխարհագրական առումով համապատասխանելիության շրջանակը

Աշխարհագրական առումով համապատասխանելիությունը գնումների եւ դրամաշնորհի տրամադրման ընթացակարգերում մասնակցելու համար հիմնադրման տեղի եւ մատակարարող արտադրանքների ծագման առումով պետք է կիրառվի հիմնական ակտով սահմանված կերպով:

Հանձնաժողովի պատասխանատու լիազոր պաշտոնյան կարող է ընդլայնել աշխարհագրական առումով համապատասխանելիության շրջանակը՝ համաձայն թիվ 236/2014 ԵՄ կանոնակարգի 9(2)բ հոդվածի՝ հիմնվելով անհապաղության կամ ապրանքների ու ծառայությունների` շահագրգիռ պետությունների շուկաներում անհասանելի լինելու փաստի վրա, կամ այլ պատշաճ կերպով հիմնավորված դեպքերում, երբ համապատասխանելիության կանոններն այս ծրագրի իրականացումն անհնար կամ չափազանց դժվար են դարձնում:

2.5.      Ինդիկատիվ բյուջեն

2.6. Կատարողականի մոնիթորինգը եւ դոնորների համակարգումը 

2017, 2018 եւ 2019 ֆինանսական տարիներին կլինեն հավելյալ վերանայման առաքելություններ յուրաքանչյուր ամենամյա փոփոխական տրանշին կից պայմանների հետ համապատասխանելիություն հաստատելու համար: Վերանայման առաքելությունները տեղի կունենան 2017, 2018, 2019 թվականների երկրորդ եռամսյակում եւ կֆինանսավորվեն այս ծրագրի բյուջեից:

 Ի հավելումն, ծրագրի մոնիթորինգն կիրականացվի ստուգող հանձնաժողովի կողմից՝ ՀՀ Արդարադատության նախարարի, ՀՀ Արտաքին գործերի նախարարի, Մարդու իրավունքների պաշտպանի եւ ԵՄ առաքելության ղեկավարի համանախագահությամբ, եւ կներառի քաղաքացիական հասարակության եւ դոնոր համայնքների ներկայացուցիչների` ապահովելու Կառավարության հետ համակարգված երկխոսություն եւ բոլոր շահագրգիռ անձանց սերտ համակարգումը ծրագրի իրականացման ընթացքում: Ավելին, ծրագիրը կքննարկվի ԵՄ բյուջետային աջակցության կառավարման ամենամյա խորհրդում: Այս գործընթացի արդյունքում պետք է ամրապնդվի Կառավարության, դոնոր համայնքի եւ այս ոլորտում ոչ պետական դերակատարների միջեւ համակարգումը: Քաղաքականության երկխոսության փաստաթղթերը կներկայացվեն մշտական կոմիտեի հանդիպումների արձանագրությունների եւ որոշումների, ինչպես նաեւ համապատասխան զեկույցների միջոցով: Ծրագիրը պետք է դիտանցվի նաեւ Արդյունքահեն մոնիթորինգի (ROM) համակարգի միջոցով:

ԵՄ պատվիրակությունը հետեւողականորեն նպաստել է հիմնական նախարարությունների միջեւ համակարգմանը եւ աջակցել քաղաքացիական հասարակության հետ համակարգված երկխոսությանը: Պատվիրակությունը կանոնավոր հանդիպումներ է անցկացնում ԵՄ անդամ պետությունների հետ համագործակցության եւ աջակցության վերաբերյալ: Այլ դոնորների հետ համագործակցությունը սահմանվում է ժողովրդավարական կառավարման թեմայով կանոնավոր դոնորային հանդիպումների միջոցով: Այս դոնոր հանդիպումները նպատակ ունեն ներգրավել Կառավարությունը եւ դոնորների համակարգման համար զարգացնել նրանց ղեկավարման հմտությունները:

2.7 Գնահատումը եւ աուդիտը

Բյուջետային աջակցության գնահատումը նպատակ է հետապնդում գնահատել ծրագրի նվաճումների համապատասխանությունը, արդյունավետությունը, գործունակությունը, ազդեցությունը, կայունությունը եւ ներդաշնակությունը: Հանձնաժողովն անկախ գնահատողների հետ կարող է պայմանագրեր կնքել: Անհրաժեշտության դեպքում հնարավոր է նաեւ աուդիտորական գործունեություն նախատեսել:

2.8 Հաղորդակցությունը եւ տեսանելիությունը

ԵՄ-ի հաղորդակցությունն ու տեսանելիությունն իրավական պարտավորություն է ԵՄ-ի կողմից ֆինանսավորվող բոլոր արտաքին գործողությունների համար: Այս գործողությունը պետք է ներառի հաղորդակցության եւ տեսանելիության միջոցառումներ, որոնք հիմնված կլինեն գործողությունների՝ hաղորդակցության եւ տեսանելիության հատուկ ծրագրի վրա: Վերջինս կամբողջացվի մինչեւ Արդարադատության նախարարության կողմից դրա իրականացումը եւ կֆինանսավորվի վերոնշյալ 2.5 բաժնում ներառված բյուջեով: Միջոցառումները պետք է իրականացվեն Հանձնաժողովի եւ (կամ) գործընկեր երկրի, պայմանագրի կողմերի եւ դրամաշնորհի շահառուների կողմից: Համապատասխան պայմանագրային պարտավորությունները պետք է ներառվեն համապատասխանաբար ֆինանսավորման համաձայնագրում, գնման եւ դրամաշնորհային պայմանագրերում:

«ԵՄ արտաքին գործողությունների հաղորդակցության եւ տեսանելիության մասին ձեռնարկը» պետք է օգտագործվի գործողությունների` հաղորդակցության եւ տեսանելիության ծրագրի մշակման եւ համապատասխան պայմանագրային պարտավորությունների սահմանման համար:

Հավելվածներ

1. Հատկացումներ կատարելու համար կիրառվող կատարողականի ցուցանիշները
2. Հատկացումների վերաբերյալ պայմանավորվածությունները եւ ժամանակացուցը

Հավելված 1: Հատկացումներ կատարելու համար կիրառվող կատարողականի ցուցանիշները

2-րդ հավելվածով սահմանված պայմաններն ու միջոցառումները հիմնված են նվաճելի եւ օբյեկտիվորեն ստուգելի ցուցանիշների վրա: Դրանք արտացոլում են Կառավարության ստանձնած հանձնառությունները՝ որպես Մարդու իրավունքների պաշտպանության ազգային ռազմավարության եւ գործողությունների ծրագրի իրականացման մաս եւ հանդիսանում են նպատակների իրագործման ուղղությամբ իրականացվող առաջադիմական քայլեր: Այս պայմաններն արտացոլում են նաեւ ԵՄ-ի քաղաքական եւ զարգացման համագործակցության գերակայությունները Հայաստանում մարդու իրավունքների բնագավառում իրականացվող բարեփոխումներում: Ընդհանուր պայմանների կատարումը նախապայման է հատուկ պայմանների կատարումը գնահատելու համար, որը կհանգեցնի յուրաքանչյուր փոխանցման փոփոխական տրանշի հատկացմանը:

            Հատուկ պայմանները (ինչպես նկարագրված են 2-րդ հավելվածում) առնչվում են մարդու իրավունքների բարելավված պաշտպանությանը՝ ազատ եւ արդար ընտրությունների իրավունքի, խոշտանգումների կանխարգելման, խտրականության դեմ պայքարի (այդ թվում՝ փոքրամասնությունների, հաշմանդամություն ունեցող անձանց, փախստականների եւ այլ խոցելի խմբերի շրջանակներում), կանանց և տղամարդկանց իրավահավասարության եւ երեխայի պաշտպանության բնագավառում համապատասխան օրենսդրություն ներդնելու եւ իրականացնելու միջոցով: Յուրաքանչյուր բնագավառին առնչվող հենանիշերը (ցուցանիշները) ներկայացված են 2-րդ հավելվածում՝

1.                      i.        Եվրոպայի խորհրդի եւ ԵԱՀԿ/ԺՀՄԻԳ հանձնարարականներին համապատասխան բարելավված ընտրական համակարգ.
2.                     ii.        խոշտանգումների կանխարգելման գործընթացում արձանագրված առաջընթաց՝ իրավական, քննչական եւ իրավակիրառ ոլորտներում բարեփոխումների միջոցով.
3.                    iii.        խտրականությունից փոքրամասնությունների պատկանող անձանց, հաշմանդամություն ունեցող անձանց, փախստականների եւ այլ խոցելի խմբերի առավել արդյունավետ պաշտպանություն.
4.                    iv.        կանանց և տղամարդկանց իրավահավասարության ապահովման գործուն մեխանիզմներ եւ ընտանեկան/ կանանց և տղամարդկանց իրավահավասարության հիմքով բռնության եւ ոտնձգության զոհ դարձած անձանց պաշտպանություն.
5.                     v.        երեխայի պաշտպանության բարելավված համակարգ՝ ներառյալ երեխաներից հաստատությունների բեռնաթափում։

Հավելված 2. Հատկացումների վերաբերյալ պայմանավորվածությունները եւ ժամանակացույցը (բյուջետային աջակցությունը)

1. Պարտականությունները

       Սույն Ֆինանսավորման համաձայնագրով սահմանված հատկացումների կատարման պայմանների հիման վրա Հայաստանի Հանրապետության իրավասու գերատեսչությունները յուրաքանչյուր տրանշի հատկացման համար մոտավորապես յուրաքանչյուր տարվա առաջին եռամսյակում եւ նախորդ տարվա նվաճումների հիման վրա պետք է պաշտոնական հարցում ուղարկեն Եվրոպական հանձնաժողով: Պաշտոնական հարցումը պետք է ներառի i) հատկացվելիք ֆինանսական միջոցների մասին ամբողջական վերլուծություն եւ հիմնավորում, այդ թվում` բոլոր անհրաժեշտ օժանդակ փաստաթղթերը եւ ii) պատշաճ կերպով ձեւակերպված ֆինանսական տեղեկատվությունը, որը կհեշտացնի համապատասխան վճարման կատարումը:

2.    Հատկացումների ինդիկատիվ ժամանակացույցը

       Հատկացումների ինդիկատիվ ժամանակացույցը ներկայացված է ստորեւ:

       Հատկացումների ինդիկատիվ ժամանակացույցը (միլիոն եվրո)

3.       Տրանշերի հատկացման ընդհանուր պայմանները

Ստորեւ նշված ընդհանուր պայմաններն այն պայմաններն են, որոնք պետք է կատարվեն մինչեւ յուրաքանչյուր եւ բոլոր տրանշերի հատկացումը: Ցանկացած տեսակի տրանշի հատկացման համար ներկայացված բոլոր հարցումների հետ անհրաժեշտ է ներկայացնել, ըստ անհրաժեշտության, չորս ընդհանուր պայմաններից յուրաքանչյուրի առնչությամբ արձանագրված առաջընթացի վերաբերյալ օժանդակ տեղեկություններ եւ փաստաթղթեր։

Տրանշի հատկացման համար ընդհանուր պայմաններ աղյուսակ 

4.       Հատուկ պայմանները 

Ի տարբերություն Ընդհանուր պայմանների, որոնք պետք է կատարվեն յուրաքանչյուր տեսակի տրանշի վճարման համար, հատուկ տրանշի հետ կապված Հատուկ պայմանը վերաբերում է միայն տվյալ տրանշի գնահատմանը եւ հատկացմանը՝ ստորեւ նկարագրված ձեւով:

5. Արդյունավետության գնահատման միջոցները՝ փոփոխական տրանշերի դեպքում

Ծրագիրը նախատեսում է վճարման իրականացումը տարեկան չորս փոխանցումներով: Առաջին փոխանցումը կարող է վճարվել ֆիքսված տրանշի ձեւով՝ Ընդհանուր պայմանները (մանրամասն նկարագրված է վերեւում) կատարելու դեպքում: Հանձնաժողովի կողմից Ընդհանուր պայմանները կատարելու վերաբերյալ դրական գնահատական ստանալուց հետո փոփոխական տրանշերը (2-րդ, 3-րդ եւ 4-րդ փոխանցումներ) կգնահատվեն եւ կվճարվեն Հատուկ պայմաններից յուրաքանչյուրի կատարման աստիճանին համապատասխան:

Գոյություն ունեն կատարման երեք հնարավոր աստիճաններ.

i. Լիովին կատարում, որը կհանգեցնի Հանձնաժողովի կողմից հատկացում անելու մասին որոշում ընդունելուն՝ կազմելով համապատասխան քվոտայի ամբողջ չափը.

ii. Մասնակի, բայց նշանակալի կատարում, որը կհանգեցնի Հանձնաժողովի կողմից հատկացում անելու մասին որոշում ընդունելուն՝ կազմելով համապատասխան քվոտայի կեսը.

iii. Ոչ բավարար կատարում կամ չկատարում, որը կհանգեցնի Հանձնաժողովի կողմից հատկացում չանելու մասին որոշում ընդունելուն:

Այն դեպքում, երբ շատ ցուցիչներ ներառված են միեւնույն հատուկ պայմանի ներքո՝

-         Լիովին կատարումը համապատասխանում է տվյալ հատուկ պայմանի լիովին բավարարման բոլոր ցուցիչներին.

-         Մասնակի, բայց նշանակալի կատարումը համապատասխանում է տվյալ հատուկ պայմանի լիովին բավարարման ցուցիչների կեսից ավելիին.

-         Ոչ բավարար կատարումը կամ չկատարումը համապատասխանում է տվյալ հատուկ պայմանի լիովին բավարարման ցուցիչների կեսին կամ կեսից պակասին:

Պատշաճ կերպով հիմնավորված դեպքերում եւ իրավասու մարմինների կողմից Հանձնաժողովին պատշաճ կերպով ներկայացված դիմումի հիման վրա՝ կատարման աստիճանը կարող է վերագնահատվել անմիջապես հաջորդող տարեկան փոխանցման վերանայման ընթացքում՝ ի վերջո թույլ տալով վճարել համապատասխան չվճարված գումարը (գումարները): Ծրագրի վերջում կատարում չապահովելու պատճառով պահված ֆինանսական միջոցները կկորչեն:

Ցանկացած դեպքում, կատարման աստիճանի եւ տրանշի ցանկացած տեսակի հատկացման վերաբերյալ վերջնական որոշումը կայացնում է Հանձնաժողովը:

[1] Չպետք է մեկնաբանվի այնպես, որ առնվազն 2000 զոհ պետք է օգտված լինի բոլոր թվարկված ծառայություններից:

[2] Չպետք է մեկնաբանվի այնպես, որ առնվազն 750 զոհ պետք է օգտված լինի բոլոր թվարկված ծառայություններից: