Հայեցակարգում անդրադարձ կկատարվի՝ վերպետական միջազգային կազմակերպությունների նորմատիվ իրավական ակտերը իրավական համակարգում ընդգրկելու հարցին. Սահմանադրական բարեփոխումների խորհուրդ
13/12/2022
![](/storage/files/news/news_7092896234444_photo1670924860.jpeg)
Այսօր՝ դեկտեմբերի 13-ին, կայացավ Սահմանադրական բարեփոխումների խորհրդի և մասնագիտական հանձնաժողովի համատեղ հերթական նիստը:
Համատեղ նիստի ժամանակ քննարկվեց Սահմանադրական բարեփոխումների մասնագիտական հանձնաժողովի անդամ Ռաֆիկ Գրիգորյանի կողմից մշակված զեկույցը` վերպետական միջազգային կազմակերպությունների նորմատիվ իրավական ակտերի տեղն իրավական համակարգում նախատեսելու վերաբերյալ:
Խորհուրդը միաձայն որոշում ընդունեց Սահմանադրական բարեփոխումների հայեցակարգում անդրադարձ կատարել իրավական աստիճանակարգության համակարգում վերպետական միջազգային կառույցների մարմինների ընդունած իրավական ակտերի տեղին վերաբերող հարցերին: