Ազդարարման համակարգի իրազեկման արշավի և GIZ-ի հետ համագործակցության շրջանակում հայտարարվել է մրցույթ

16/01/2024

Կոռուպցիայի դեմ պայքարի շրջանակում Արդարադատության նախարարության համակարգմամբ մեկնարկել է Ազդարարման համակարգի վերաբերյալ համապետական իրազեկման մեկամյա արշավ: Նախատեսվում է իրականացնել մի շարք թիրախային միջոցառումներ՝ ոլորտային քաղաքացիական հասարակության և միջազգային կազմակերպությունների ակտիվ ներգրավմամբ: Մասնավորապես, իրականացվելիք գործողությունները ներառելու են ազդարարման համակարգի վերաբերյալ իրազեկման միջոցառումներ՝ մարզային և համայնքային մարմինների, կրթական համակարգի համար, ազդարարման համակարգի վերաբերյալ տեղեկատվական տեսահոլովակների նկարահանում, տեղեկատվության տեղադրում պետական մարմինների պաշտոնական կայքերում և այլ միջոցառումներ:
Վերոգրյալի համատեքստում և Գերմանական միջազգային համագործակցության ընկերության հետ սերտ համագործակցության արդյունքում հայտարարվել է կոռուպցիայի դեմ պայքարի ոլորտում փորձառություն ունեցող կազմակերպության ներգրավման մրցույթ, որի արդյունքում նպատակ է հետապնդվում նվազեցնել ազդարարների շուրջ բացասական ընկալումները, բարձրացնել իրազեկվածությունը նրանց կենսական դերի մասին, ինչպես նաև ընդգծել Ազդարարման միասնական էլեկտրոնային հարթակի (azdararir.am) դերը կոռուպցիայի դեմ պայքարում: Մրցութային հայտերի ընդունման վերջնաժամկետը է 2024 թ. հունվարի 26-ը: Մանրամասներ՝
https://armacad.info/2024-01-12--call-for-proposals-development-and-implementation-of-a-target-group-specific-strategic-communication https://www.careercenter.am/en/jobs/development-and-implementation-of-a-target-group-specific-strategic-communication-focusing-on-governance-especially-the-area-of-fight-against-corruption-and-other-related-topics-in-governance-1?status=all&view=classic