2025թ․-ի առաջին կիսամյակում հաշտարարական համայնքը կհամալրվի 130 հաշտարարով

16/12/2024

Արդարադատության նախարարության, Արբիտրաժի և հաշտարարության հայաստանյան կենտրոնի, Երևանում Եվրոպայի խորհրդի գրասենյակի և Եվրոպական միության համագործակցությամբ տեղի է ունեցել հաշտարարների որակավորման նպատակով իրականացվող ուսուցման հինգերորդ դասընթացը։
Հայաստանի տարբեր մարզերից և Երևանից ընտրված 25 հավակնորդ է մասնակցել միջազգային փորձագետ-հաշտարարների կողմից մշակված 33 ակադեմիական ժամ տևողությամբ դասընթացին: Դասընթացն ավելի օգտակար դարձնելու նպատակով հրավիրյալ միջազգային և ազգային փորձագետներն ու դատավորները կիսվել են հաշտարարության ոլորտում իրենց արժեքավոր փորձով և օրենսդրական նոր կարգավորումների վերաբերյալ դիտարկումներով։
Շարունակական դասընթացների և բարեփոխումների շնորհիվ 2025թ. առաջին կիսամյակում հաշտարարական համայնքը կունենա շուրջ 130 հաշտարար։
Դասընթացների շարքը մասամբ ֆինանսավորվել է Եվրոպական միության և Եվրոպայի խորհրդի «Գործընկերություն հանուն լավ կառավարման» համատեղ ծրագրի կողմից: