Նորություններ
Արտակ Զեյնալյանը Իտալիայի Հակակոռուպցիոն մարմնի ղեկավարի հետ քննարկել է կոռուպցիայի դեմ պայքարին առնչվող հարցեր
Կողմերն անդրադարձել են նաև Իտալիայի հակակոռուպցիոն քաղաքականության փորձին ծանոթանալու նպատակով հայաստանյան պատվիրակության ճանաչողական այցի կազմակերպման հնարավորություններին, ինչպես նաև կոռուպցիայի կանխարգելման հարցերով համագործակցությունը զարգացնելուն ուղղված հարցերին:
Փաստաբանների հետ քննարկվել են պարզեցված վարույթի կարգով քննվող գործերին առնչվող հարցեր
Մասնագիտական քննարկման ժամանակ անդրադարձ է կատարվել պարզեցված վարույթի կարգով քննվող գործերին առնչվող փաստաբանների առաջարկներին, որոնց մի մասի վերաբերյալ տրվել են պարզաբանումներ, որոշներն ընդունվել են համաձայնությամբ, որ դրանք կիրացվեն Նախագծի լրամշակման ընթացքում:
Արտակ Զեյնալյանն Ադրբեջանի գլխավոր դատախազի տեղակալին հորդորել է զբաղվել կոռուպցիոն ներքին խնդիրների պատշաճ քննությամբ
Նախարարի պաշտոնակատարը նաև հիշեցրել է Ադրբեջանի ներկայացուցչին, որ հակակոռուպցիոն մասնագիտական համաժողովը քաղաքական, իրականությանը չհամապատասխանող հայտարարություններ անելու հարթակ չէ, իսկ եթե ցանկանում են խոսել Լեռնային Ղարաբաղի հիմնահարցի շուրջ, ապա խոսեն էթնիկ ծագման հիմքով Լեռնային Ղարաբաղում ադրբեջանցիների կողմից մարդու հիմնարար իրավունքի՝ կյանքի իրավունքի ոտնահարման մասին:
ԵԱՀԿ-ն կաջակցի Հայաստանին հակակոռուպցիոն ոլորտում լայնածավալ բարեփոխումներ իրականացնելու համար
Պաոլա Սևերինոն նշել է, որ, 2018 թվականի հունիսին Հայաստան կատարած այցի արդյունքները հաշվի առնելով, ԵԱՀԿ-ն և Իտալիայի կառավարությունը պատրաստակամ են աջակցելու ՀՀ-ին բարեփոխումների, մասնավորապես, հակակոռուպցիոն լայնածավալ միջոցառումների իրականացման հարցերում:
Արտակ Զեյնալյանն Իտալիայում ներկայացրել է հակակոռուպցիոն պայքարին ուղղված աշխատանքները
Նախարարի պաշտոնակատարի խոսքով՝ կոռուպցիայի դեմ պայքարում Հայաստանը կենտրոնացած է ոչ միայն իրավական և ռազմավարական գործողությունների մշակման, այլև ինստիտուցիոնալ և հարկադրանքի միջոցների համակարգերի կիրառման վրա: Այս առումով, Արտակ Զեյնալյանը նշել է, որ նախորդ երեք ամիսների ընթացքում կոռուպցիոն հանցագործությունների և կոռուպցիոն սխեմաների բացահայտման մակարդակը զգալիորեն աճել է:
Արդարադատության նախարարության հայտարարությունը՝ դատավորների կենսաթոշակի նվազեցման հարցի վերաբերյալ
Այդուհանդերձ, Արդարադատության նախարարությունն ընդգծում է, որ պաշտոնաթող դատավորների համար բարձր կենսաթոշակի սահմանումը ոչ թե նրանց տրվող արտոնություն է, այլ հանրային և, առաջին հերթին՝ արդարադատության շահերի պաշտպանության միջոց, նրանց անկախության սոցիալական երաշխիք: Այս մոտեցումն ընկած է 1998 թվականին ընդունված՝ «Դատավորների կարգավիճակի մասին» եվրոպական խարտիայի 6.4-րդ կետում, որի համաձայն՝ «Կարգավիճակը, մասնավորապես, դատավորներին ապահովում է ... ծերության թոշակով, որի չափը պետք է հնարավորինս մոտ լինի դատական համակարգում ստացած նրա վերջին աշխատավարձին»: Նշված պահանջին համահունչ է նաև ՀՀ դատական օրենսգրքի 57-րդ հոդվածի 2-րդ մասը, որի համաձայն՝ «Դատավորի (…) կենսաթոշակի չափը չի կարող պակասեցվել, բացառությամբ այն դեպքերի, երբ համարժեք պակասեցում կատարվում է բոլոր բարձրաստիճան պաշտոնատար անձանց համար»:
Վիգեն Քոչարյանը Վաշինգտոնում ներկայացրել է Հայաստանի դատաիրավական ոլորտում իրականացվող բարեփոխումները
Նախարարի տեղակալը միջոցառման շրջանակում հանդիպումներ է ունեցել նաև Համաշխարհային բանկի և այլ միջազգային կառույցների բարձրաստիճան ներկայացուցիչների հետ, քննարկել այդ կառույցների կողմից արդարադատության ոլորտի բարեփոխումներին աջակցության հետագա հնարավոր ձևաչափերը: Մասնավորապես, պայմանավորվածություն է ձեռք բերվել իրականացնել Համաշխարհային բանկի կողմից Հայաստանի դատական համակարգի դիտարկման և գնահատման ծրագիրը, որը կմեկնարկի 2019 թվականի առաջին կիսամյակ:
Սուրեն Քրմոյան. «Հայաստանում բարեփոխումների համակատարողները պետք է լինեն քաղհասարակությունն ու Կառավարությունը»
Հայաստանի ներկայիս Կառավարությունն ունի շատ բարձր վարկանիշ. քաղաքացիներն իրենց անվերապահ աջակցություն են հայտնում Կառավարության կողմից իրականացվող բարեփոխումներին:
Վարկային կազմակերպությունների ներկայացուցիչների հետ քննարկվել են տուժանքի կիրառման միասնական պրակտիկայի ձևավորմանը վերաբերող հարցեր
Վարկային կազմակերպությունների ներկայացուցիչների հիմնական հարցերը վերաբերել են տուժանքի առավելագույն չափի սահմանափակման, պայմանագրով որոշված բոլոր տուժանքների հանրագումարի հաշվարկման, տուժանքի հաշվարկային դրույքի որոշման հետ կապված իրավակարգավորումներին և դրանց առնչությամբ ծագած գործնական որոշ խնդիրներին, որոնց վերաբերյալ քննարկման ընթացքում ներկայացվել են համապատասխան դիրքորոշումներ:
Արտակ Զեյնալյանը Հարավային Կորեայում բարձրաստիճան պաշտոնյաների հետ հանդիպմանը ներկայացրել է հետհեղափոխական Հայաստանի ձեռքբերումները
Նախարարի պաշտոնակատարը, անդրադառնալով 2018 թվականի գարնանը Հայաստանում տեղի ունեցած իրադարձություններին, այն որակել է աննախադեպ և պատմական ու նշել, որ այդ օրերին հայ ժողովուրդը թավշյա, խաղաղ, առանց բռնության հեղափոխության միջոցով իրացրեց իշխանության իր ուղղակի իրավունքը։
Արդարադատության նախարարությունը ԱՄՆ ՄԶԳ-ի հետ քննարկել է համագործակցության հեռանկարները
Նախարարի առաջին տեղակալը, խոսելով ԱՄՆ ՄԶԳ-ի ֆինանսավորմամբ Արդարադատության նախարարության կազմում գործող «Օրենսդրության զարգացման և իրավական հետազոտությունների կենտրոն» հիմնադրամի գործունեությունից, նշել է, որ այն համագործակցության լավագույն օրինակներից է, որը 2015 թվականի Սահմանադրության փոփոխություններից հետո ոչ միայն մշակել է օրենսդրական ամենակարևոր նախագծերը, այլև հարթակ է եղել դրանց վերաբերյալ հանրային բազմաթիվ քննարկումներ իրականացնելու համար:
Մասնագիտական քննարկում՝ պարզեցված վարույթի կարգով քննվող գործերի բարելավման վերաբերյալ
Մասնագիտական քննարկման ժամանակ անդրադարձ է կատարվել պարզեցված վարույթի կարգով քննվող գործերին, պարզեցված վարույթ կիրառելու վերաբերյալ դատարանի որոշմանը, որոշումը ստանալուց հետո գործին մասնակցող անձանց կողմից կատարվող գործություններին, պարզեցված վարույթը քննելու կարգին ու ժամկետներին և այլ հարցերին:
