Նորություններ
ՀՀ ԱՆ իրավաբանական ինստիտուտը և Օդեսայի իրավաբանական ակադեմիան կհամագործակցեն
Ուկրաինական կողմը ներկայացրել է «Օդեսայի իրավաբանական ակադեմիա» ազգային համալսարանի նախագահ Սերգեյ Կիվալովը, իսկ հայկական կողմը՝ ՀՀ արդարադատության նախարարության իրավաբանական ինստիտուտի տնօրեն Աշոտ Հայրապետյանը:
Ռուսաստանի Դաշնությունում կալանվորված ՀՀ քաղաքացի Հրաչյա Հարությանյանի նկատմամբ ՀՀ մասնակցությամբ միջազգային պայմանագրերի կիրառման հնարավորության մասին
Հրաչյա Հարությունյանի փոխանցումը Հայաստանի Հանրապետություն կարող է իրականացվել դատապարտյալների փոխանցման մասին վերը նշված կոնվենցիաներով սահմանված կարգով՝ հետագա պատիժը Հայաստանի Հանարպետությունում կրելու նպատակով, միայն վերջինիս նկատմամբ ՌԴ իրավասու դատարանի կողմից մեղադրական դատավճիռ կայացնելու, ազատազրկման ձևով պատիժ նշանակելու և դատավճիռն օրինական ուժի մեջ մտնելուց հետո:
Սեմինար լրագրողների համար. «Դատաիրավական բարեփոխումներ, նախապատմություն, ձեռքբերումներ, ծրագրեր»
Սեմինարի թեման էր «Դատաիրավական բարեփոխումներ, նախապատմություն, ձեռքբերումներ, ծրագրեր»: Նպատակն էր լրագրողներին ներկայացնել ՀՀ անկախությանը հաջորդած տարիների մեկնարկած բարեփոխումների նախապատմությունը, իրազեկել, թե բարեփոխումների 2009-2011թթ ծրագրով կատարված ինչ աշխատանքներ են կատարվել, ինչու է ծագել բարեփոխումների նոր ծրագրի մշակման և իրականացման անհրաժեշտությունը: Սեմինարի բանախոսների խնդիրն էր նաև ներկայացնել թե ինչ աշխատանքներ են արդեն կատարվել անցած տարի ՀՀ նախագահի կարգադրությամբ հաստատված 2012-2016թթ իրավական և դատական բարեփոխումների ռազմավարական ծրագրի շրջանակներում:
Մտադրությունների հուշագիր՝ ուղղված ՀՀ-ում գործարար միջավայրի բարեփոխումների խթանմանն ու վեճերի այլընտրանքային կարգավորման համակարգի բարելավմանը
Մտադրությունների հուշագրով նախանշված են մի շարք գործողություններ, որոնք պետք է իրականացվեն 2013 թվականի հուլիսից մինչև 2014 թվականի դեկտեմբերը: ԱՄՆ ՄԶԳ-ն նշված ծրագրի միջոցով աջակցելու է ՀՀ արդարադատության նախարարությանը նորմատիվ իրավական ակտերի և օրինագծերի մշակման, հանրային լսումների և շահառուների հետ կլոր սեղան- քննարկումների անցկացման հարցում: Համագործակցությունը ուղղված է լինելու ոչ միայն համակարգի բարելավմանը, այն նաև ապահովելու է բարեփոխումների վերաբերյալ պատշաճ իրազեկման միջոցով ՎԱԿ համակարգի հանդեպ բիզնես համայնքի վստահության աճը:
Աղավնու միջոցով փորձել են սպիտակադեղնավուն փոշիով փաթեթ մտցնել «Սևան» ՔԿՀ
ՀՀ ԱՆ քրեակատարողական վարչության հանրային կապերի տեղեկացմամբ, որոնողական միջոցառումների արդյուքում ՔԿ հիմնարկի բնակելի գոտու տարածքում հայտնաբերվել են երկու սպիտակ աղավնի, որոնցից մեկի ոտքին կպչուն ժապավենով ամրացված է եղել փաթեթ: Փաթեթի ստուգմամբ հայտնաբերվել է 750 մլգ ընդհանուր քաշով սպիտակադեղնավուն փոշի:
Հրայր Թովմասյանն ընդունել է ԳՄՀԸ «Հարավային Կովկասում իրավական և դատական բարեփոխումների համար խորհրդատվություն» ծրագրի ղեկավար Ցենո Ռայխենբեխերին
Նախարար Հրայր Թովմասյանը, բարձր գնահատելով երկարամյա համատեղ աշխատանքը ԳՄՀԸ-ի հետ, շնորհակալություն է հայտնել տարածաշրջանում ծրագրի ղեկավար Ցենո Ռայխենբեխերին հատկապես արդյունավետ համագործակցության համար: «Սրտանց շնորհակալ եմ և համոզված, որ կշարունակեք մնալ հայ ժողովրդի և Հայաստանի բարեկամը»,- իր խոսքում նշել է Արդարադատության նախարարը, ապա Ցենո Ռայխենբեխերին պարգևատրել ՀՀ արդարադատության նախարարության Շահամիր Շահամիրյանի անվան ոսկե հուշամեդալով՝ մաղթելով նրան արգասաբեր աշխատանք:
Հրայր Թովմասյանի շնորհավորական ուղերձը՝ Սահմանդրության օրվա կապակցությամբ
18 տարի առաջ Հայ ժողովրդի մեծամասնությունը, հիմք ընդունելով Հայաստանի անկախության մասին հռչակագիրը «այո» ասաց նորանկախ Հայաստանի Սահմանադրությանը: Փաստաթուղթ, որում ներառված են հայոց պետականության հիմնարար սկզբունքները , համազգային նպատակները, մարդու և քաղաքացու իրավունքներն ու պարտականությունները: Փաստաթուղթ, որում ամրագրված սկզբունքները անկյունաքարային նշանակություն ունեն մեր պետության կայացման, հասարակական հարաբերությունների կարգավորման և ժողովրդավարության ամրապնդման գործում: Իսկ այդ սկզբունքները կյանքի կոչելը յուրաքանչյուրիս գերագույն խնդիրն ու պարտականությունն է:
Հրայր Թովմասյանն ընդունել է Լատվիայի արդարադատության նախարար Յանիս Բորդանսին և նախարարության աշխատակազմի ղեկավար Իրինա Կլավինային
Ջերմ և անկաշկանդ զրույցի ընթացքում կողմերը մտքեր են փոխանակել իրենց ղեկավարած գերատեսչություններում իրականացվող բարեփոխումների, համակարգին առնչվող օրենսդրական ընդհանրությունների և տարբերությունների վերաբերյալ:
Պարզաբանում` «Լրագրողներ հանուն մարդու իրավունքների» իրավական, լրատվական կայքում հրապարակված հոդվածի առնչությամբ
«Լրագրողներ հանուն մարդու իրավունքների» իրավական, լրատվական կայքում հրապարակված «Եթե դատապարտյալ ես, ուրեմն մարդ չես» վերնագրով հոդվածի հեղինակն անդրադառնալով հատկապես ցմահ դատապարտյալների հեռախոսային զանգերի սահմանափակումներին, նշում է, թե այդ սահմանափակումները « մտցրել է Արդարադատության նախարար Հրայր Թովմասյանը»: Հարկ ենք համարում հիշեցնել , որ ՀՀ արդարադատության նախարարության քրեակատարողական ծառայության՝ կալանավորվածներին պահելու ներքին կանոնակարգը կարգավորվում է ՀՀ կառավարության N 1543-Ն որոշմամբ, որն ընդունվել է դեռևս 2006թվականի օգոստոսի 3-ին: Հրայր Թովմասյանը արդարադատության նախարար է նշանակվել 2010թվականի դեկտեմբերի 17-ին:
ՀՀ ԱՆ առաջին տեղակալ Գրիգոր Մուրադյանն ընդունել է Սերբիայի արդարադատության նախարարության պետքարտուղար Նիկոլիչ Դանիլոյին
ՀՀ արդարադատության նախարարի առաջին տեղակալի հետ հանդիպման ընթացքում կողմերը ներկայացրել են արդարադատության ոլորտում իրականացվող բարեփոխումները, նշել ընդհանրություններն ու տարբերությունները:
Հաշվետվություն՝ Իրավաբանական անձանց պետական ռեգիստրի գործակալության 2012 թ. բարեփոխումների ընթացքի և գործունեության արդյունքների վերաբերյալ
ՀՀ արդարադատության նախարարությունը, որդեգրելով բաց և թափանցիկ աշխատաոճի սկզբունքը, այս հաշվետվության միջոցով հանրությանն է ներկայացնելու Իրավաբանական անձանց պետական ռեգիստրի գործակալության կատարած աշխատանքը, առկա խնդիրները, ձեռքբերումներն ու գործունեության արդյունավետության բարձրացմանն ուղղված հետագա ծրագրերը:
Քննարկում` արդարադատության ոլորտի ներկայացուցիչների մասնակցությամբ
Ծրագրի խորհրդատուն ՀՀ արդարադատության նախարարության և դատական դեպարտամենտի աշխատակիցներին ներկայացրեց վիճակագրական տվյալների էլեկտրոնային շտեմարանի նախնական տարբերակը: Համակարգը, որն իրականացվում է Համաշխարհային բանկի ծրագրի շրջանակներում, պարունակում է վիճակագրական տեղեկություններ իրավաբանական անձանց պետական ռեգիստրի, քաղաքացիական կացության ակտերի գրանցումների, դատական համակարգի և դատական ակտերի հարկադիր կատարման վերաբերյալ: